«قازگيدرومەت» تاراتقان مالىمەتتەرگە قاراعاندا، بۇگىن ەلدىڭ باتىسىندا، سولتۇستىك-باتىسىندا، جانە سولتۇستىگىندە اتموسفەرالىق فرونتالدى بولىكتەردىڭ وتۋىنە بايلانىستى اۋا رايى قۇبىلمالى بولادى. ياعني رەسپۋبليكانىڭ كەي جەرلەرىنە جاۋىن جاۋىپ، تۇمان ءتۇسىپ، كوكتايعاق بولىپ، جەل كۇشەيەدى. سولتۇستىكتە ءتىپتى جاياۋ بۇرقاسىن دا بولۋى ىقتيمال.
سولتۇستىك قازاقستان وبلىسىنىڭ ءبىرقاتار اۋماقتارىندا تۇمان ءتۇسىپ، تۇندە جانە تاڭ اتا كوكتايعاق بولىپ، جاياۋ بۇرقاسىن سوعادى. جەلدىڭ جىلدامدىعى سەكۋندىنا 15-20 مەترگە جەتىپ، كەي جەرلەردە ول 23-28 مەترگە دەيىن بارادى.
اقمولا، قوستاناي وبلىستارىندا تۇمان ءتۇسىپ، كوكتايعاق بولىپ، جەلدىڭ جىلدامدىعى سەكۋندىنا 15-22 مەترگە جەتەدى.
الماتى وبلىسىندا تۇندە جانە تاڭ اتا كەي جەرلەردە تۇمان بولىپ، جالاڭاشكول اۋدانىندا جەل سەكۋندىنا 17-22 مەترگە دەيىن كۇشەيەدى.
ال اتىراۋ، اقتوبە وبلىستارىنىڭ ءبىرقاتار اۋماقتارىندا تۇمان ءتۇسىپ، كۇندىز جەل سەكۋندىنا 15-20 مەتر جىلدامدىقپەن ۇيتقيدى.
باتىس قازاقستان وبلىسىندا ءبىرقاتار اۋماقتاردا تۇمان ءتۇسىپ كوكتايعاق بولادى.
جامبىل، قىزىلوردا، پاۆلودار، قاراعاندى وبلىستارىندا تۇندە جانە تاڭ اتا شىعىس قازاقستان وبلىسىندا، تۇركىستان وبلىسىنىڭ كەي جەرلەرىندە تۇمان تۇسەدى.
ماڭعىستاۋ وبلىسىنىڭ ءبىرقاتار جەرلەرىندە كۇندىز جەلدىڭ جىلدامدىعى 15-20 م/س بولادى.