قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى قۋاتجان جۇماتايەۆتىڭ ايتۋىنشا، جارىلىستان زارداپ شەككەن حالىقتاردى تاسىمالداۋعا 6 كولىك كومپانياسى جۇمىلدىرىلعان.
«كولىك كومپانيالارىنىڭ باسشىلارى حالىقتى وزدەرى تاسىمالداپ بەرەمىز دەپ حابارلاستى. سونداي-اق، قالاداعى جانار-جاعار ماي بەكەتتەرىنىڭ قوجايىندارى ولارعا تەگىن بەنزين، سولياركا قۇيىپ بەرىپ وتىر. قاجەت بولعان جاعدايدا تاعى اۆتوبۋستاردى شاقىرتاتىن بولامىز. ەگەر بۇگىن ءار ءتۇرلى سەبەپتەرمەن بارا الماي قالعاندار بولسا، ەرتەڭ دە، كەيىن دە كولىك ۇيىمداستىرىپ بەرەمىز، - دەدى قۋاتجان جۇماتايەۆ.
ايتا كەتەيىك، قالادا باس-اياعى 56 ەۆاكۋاتسيا پۋنكتتەرى اشىلعان بولاتىن.
«قالاداعى ەۆاكۋاتسيالىق پۋنكتتەردە 30 مىڭنان استام ادام تىركەلگەن. ءبىز ولاردىڭ جاعدايلارىنا قارايمىز. بىرەۋلەر ەمحانالاردا، اۋرۋحانالاردا ەم قابىلداپ جاتۋى مۇمكىن. ول جەرلەردەن شىققان سوڭ ولاردىڭ ۇيلەرىنە ورالۋىنا قولعابىس ەتەمىز. قازىر ءاربىر بەكەتتەرگە جەدەل جاردەم قىزمەتى دە ارنايى شاقىرىلىپ، قاجەت بولعان ازاماتتارعا العاشقى مەديتسينالىق كومەكتەر دە كورسەتىلۋدە»، - دەيدى شىمكەنت قالالىق ىشكى ساياسات جانە ءدىن ىستەرى باسقارماسىنىڭ باسشىسى مۇرات بازارقۇلوۆ.