كاسىپورىن مالىمەتتەرىنە قاراعاندا، قازاقستاننىڭ باتىس جانە سولتۇستىك-باتىس اۋماعىندا اتموسفەرالىق فرونتالدى بولىكتەردىڭ وتۋىنە بايلانىستى اۋا رايى قۇبىلىپ تۇرادى.
رەسپۋبليكانىڭ باتىسىندا كوبىنە جاڭبىر جاۋادى، كەي جەرلەردە تۇمان ءتۇسىپ، كوكتايعاق بولىپ، جەل كۇشەيەدى، سولتۇستىكتە بۇرقاسىن بولۋى ىقتيمال.
الماتى وبلىسىندا، تۇندە جانە تاڭەرتەڭ كەي جەرلەردە تۇمان تۇسەدى دەگەن بولجام بار. جالاڭاشكول اۋدانىندا جەلدىڭ جىلدامدىعى سەكۋندىنا 17-22 مەتر بولادى.
سولتۇستىك قازاقستان وبلىسىنىڭ كەي جەرلەرىندە تۇمان ءتۇسىپ، كوكتايعاق، بۇرقاسىن بولۋى ىقتيمال. كەي جەرلەردە جەلدىڭ جىلدامدىعى سەكۋندىنا 15-20 مەترگە جەتەدى.
قوستاناي وبلىسىندا جەل سەكۋندىنا 17-22 مەتر جىلدامدىقپەن ۇيتقيدى. كەي جەرلەرىندە تۇمان ءتۇسىپ، كوكتايعاق بولادى.
اقمولا، باتىس قازاقستان وبلىستارىنىڭ ءبىرقاتار اۋماقتارىندا تۇمان ءتۇسىپ، كوكتايعاق بولادى، جەل سەكۋندىنا 15-20 مەتر جىلدامدىقپەن ۇيتقيدى.
جامبىل وبلىسىنىڭ كەي جەرلەرىندە تۇمان بولىپ، جەل 15-20 م/س- عا دەيىن كۇشەيەدى.