اتاۋلى كۇندەر
حالىقارالىق ەنەرگيا ۇنەمدەۋ كۇنى
بۇل مەرەكە 2008-جىلعى ساۋىردە قازاقستاندا SPARE حالىقارالىق ۇيلەستىرۋشىلەر ماجىلىسىندە قابىلداندى.
2008-جىلعى قاراشادا الەم حالقى العاشقى ەنەرگيا ۇنەمدەۋ كۇنىن اتاپ ءوتتى.
دۇنيەجۇزىلىك شوپينگ كۇنى
بۇل مەرەكە 2009-جىلى پايدا بولدى. ول كۇنى قىتايلىق «Alibaba Group» ينتەرنەت-الاڭى ءوز رەسۋرستارىندا (AliExpress.com ينتەرنەت-دۇكەنىندە) تاۋارلارعا P جەڭىلدىك جاساپ، «دۇنيەجۇزىلىك شوپينگ كۇنى» دەگەن ماركەتينگتىك ناۋقان جۇرگىزگەن بولاتىن.
ەستە قالار وقيعالار
1996 -جىلى ق ر ءبىلىم جانە عىلىم مينيسترلىگىنىڭ ر. ب. سۇلەيمەنوۆ اتىنداعى شىعىس تانۋ ينستيتۋتى قۇرىلدى.
2006 -جىلى پاۆلودار وبلىسىنىڭ باياناۋىل اۋدانىندا كورنەكتى ەنتسيكلوپەدياشى- عالىم، اعارتۋشى جانە ادەبيەتشى ءماشھۇر ءجۇسىپ كوپەيەۆ كەسەنەسىنىڭ اشىلۋى بولدى. كەشەندى كەسەنە سارى التىن ءتۇستى كىرپىشپەن تۇرعىزىلعان، كەسەنەنىڭ وزىنە 73 باسپالداقپەن كوتەرىلەدى - ءماشھۇر ءجۇسىپ وسىنشا جىل ءومىر سۇرگەن.
عيماراتتىڭ ىشىندە مۇسىلمان ءدىني ۇستانىمدارى نەگىزىندە ەكى بولمە - زيراتحانا مەن گۇرحانا بار. ءبىرىنشىسى ناماز وقىپ، كەلۋشىلەردىڭ ەركىن اڭگىمەلەسۋىنە ارنالسا، گۇرحانادا ساندىقتاس ورنالاسقان.
ول قوردايلىق گرانيتتەن كونە تۇركىلىك ۇلگىدە، ادام ءومىرىنىڭ كەزەڭدەرىنە سايكەس، ءۇش دەڭگەيدە ورىندالعان. التىنمەن اپتالعان كىرەبەرىس ەسىكتى كوركەم ورنەكتەپ، اسەم اشەكەيلەگەن ەڭ ۇزدىك قازاقستاندىق زەرگەرلەردىڭ ءبىرى - قىرىم التىنبەكوۆ.
14 مەترلىك ەكى كۇمبەزگە اللانىڭ 99 اتى جازىلعان. كورىكتى كەشەننىڭ اۆتورلارى - بەك ىبىرايەۆ پەن ءسادۋاقاس اعىتايەۆ.
2010 -جىلى ۇلتتىق بانك VII قىسقى ازيا ويىندارىن ۇيىمداستىرۋ كوميتەتىنىڭ ءوتىنىشى بويىنشا ءۇش ءتۇرلى بىرەگەي مونەتالاردى شىعاردى: نومينالى 5000 تەڭگە بولاتىن 225 دانا كۇمىس مونەتا، نومينالى 100 تەڭگەلىك 899 دانا 999 التىن مونەتا جانە نومينالى 500 تەڭگەلىك 13 مىڭ كۇمىس مونەتا.
2011 -جىلى الماتىدا ق ر تۇڭعىش پرەزيدەنتى ساياباعىندا «قازاقستان» مونۋمەنتالدىق- سكۋلپتۋرالىق كومپوزيتسياسى اشىلدى. ونىڭ ءدال ورتاسىنا ەلباسى نۇرسۇلتان نازاربايەۆتىڭ ءمۇسىنى ورناتىلعان. ەل جەتىستىگىن بەينەلەيتىن كومپوزيتسيا قولا، گرانيت، ءمارمار تاستارىنان قىران قۇستىڭ قاناتى سۇلباسىندا جاسالعان. مونۋمەنتتىڭ اۆتورى - ءمۇسىنشى شوقان تولەش.
2014 -جىلى قازاقستان، رەسەي جانە ۋكراينا بىرلەسىپ تۇسىرگەن قازاقتىڭ باتىر ۇلى قاسىم قايسەنوۆ جايلى 4 سەريالى كوركەم فيلم حالىقارالىق دەڭگەيدەگى زور ماراپاتقا يە بولدى. فيلم رەسەيدىڭ باس ناگرادالارىنىڭ ءبىرى «پوچەتنىي وردەن كۋزباسسا» وردەنىمەن ماراپاتتالدى.
تۋىندىداعى باستى ءرولدى ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ اكتەرى قۋاندىق قىستىقبايەۆ سومدادى.
2015 -جىلى «قازاق حاندىعىنىڭ 550 جىلدىعى» اتتى 10 بولىمنەن تۇراتىن دەرەكتى فيلمنىڭ ءتۇسىرىلىمى اياقتالدى. بۇل دەرەكتى فيلمگە ەلىمىزدىڭ جانە شەتەلدىڭ بەتكە ۇستار عالىمدارى، اقىندار، رەجيسسەرلەر اتسالىسقان. فيلمنىڭ العاشقى ءبولىمى قىپشاق جانە ارميان مادەنيەتتەرىنىڭ ءوزارا تىعىز قارىم-قاتىناسىنىڭ تاريحىنا ارنالعان.
فيلم 1465-جىلى قازاق حاندىعىنىڭ قۇرىلۋىنان باستاپ تاۋەلسىز قازاقستانعا دەيىنگى قازاق حالقى شەجىرەسىندەگى ايشىقتى كەزەڭدەر تۋرالى باياندايدى.
2015 -جىلى ەلوردادا ەۋرازيالىق ىقپالداستىقتىڭ نەگىزگى ماسەلەلەرىنە ارنالعان استانا كلۋبىنىڭ I وتىرىسى ءوتتى. استانا كلۋبىنىڭ العاشقى وتىرىسىندا ا ق ش، رەسەي، ەۋروپالىق كەڭەس، قىتاي، تۇركيا، يران جانە وزگە دە ەلدەردەن 50 دەن استام ەكونوميكا، ساياسات، حالىقارالىق قاتىناستار سالاسىنداعى جەتەكشى ساراپشىلار باس قوستى.
2018-جىلى «فيلوكسەنيا» تۋريستىك كورمەسى اياسىندا گرەكيانىڭ سالونيكي قالاسىندا «قازاقستانعا ساياحات» ستەندى اشىلدى. قازاقستان تۋرالى باياندايتىن ەكسپوزيتسيا جەرورتا تەڭىزى ايماعىنداعى وسىنداي ءىرى كورمەگە العاش رەت قويىلدى.
2019 -جىلى افينا قالاسىنداعى (گرەكيا) ەپيگرافيالىق مۋزەيىندە «التىن ادامنىڭ الەم مۋزەيلەرىنە شەرۋى» اتتى حالىقارالىق كورمە جوباسى اياسىندا «ۇلى دالا: تاريح جانە مادەنيەت» كورمەسى اشىلدى. كورمەنىڭ ماقساتى - قازاقستاننىڭ تاريحي- مادەني باي مۇراسىمەن شەتەلدىك كورەرمەندى تانىستىرۋ.