بۇل تۋرالى ق ر قارجى مينيسترلىگىنىڭ مەملەكەتتىك كىرىستەر كوميتەتى باسپا ءسوز قىزمەتىنە سىلتەمە جاساپ قازاقپارات حابارلايدى.
«2019-جىلدىڭ 24- قىركۇيەگىندە الماتى وبلىسى بويىنشا مەملەكەتتىك كىرىستەر دەپارتامەنتى «قورعاس» شەكارا ماڭى ىنتىماقتاستىق حالىقارالىق ورتالىعى» كەدەن بەكەتىنىڭ قىزمەتكەرلەرى ق ر ۇ ق ك ش ق 2088№ اسكەري ءبولىمىنىڭ قىزمەتكەرلەرىمەن بىرلەسىپ كەدەندىك باقىلاۋدى جۇزەگە اسىرۋ بارىسىندا ەكى قازاقستاندىق ازاماتتى ۇستادى»، - دەلىنگەن حابارلامادا.
ازاماتتار قىتايدان قازاقستانعا دەكلاراتسيالانباعان 5000000 تەڭگە جانە 5531000 تەڭگە كولەمىندە قاراجات الىپ وتپەك بولعان.
«قازىرگى ۋاقىتتا كىنالى تۇلعالار ق ر «اكىمشىلىك قۇقىق بۇزۋشىلىق تۋرالى» كودەكستىڭ 551-بابى، 3- ءبولىمى بويىنشا اكىمشىلىك جاۋاپقا تارتىلدى»، - دەيدى باسپا ءسوز قىزمەتى.