بۇل تۋرالى bigpicture.ru-عا سىلتەمە جاساعان KAZ. NUR. KZ جازادى.
10. سۋ تاسقىنى
سۋ تاسقىنى كوپىرلەر، جولدار، عيماراتتار، قۇرىلىمداردىڭ قيراۋىنا، ەلەۋلى ماتەريالدىق شىعىنعا، ال سۋدىڭ كوپ جينالۋى جانە سۋ ۇلكەن بيىكتىككە كوتەرىلسە ادامدار مەن جانۋارلاردىڭ وپات بولۋىنا اكەلىپ سوقتىرادى.
9. اۆياكاتاستروفا
ۇشاق - الەمدەگى ەڭ قاۋىپسىز ترانسپورت بولىپ سانالادى. الايدا اۋە كولىگىنەن اقاۋ شىعىپ، اپاتقا ۇشىراسا جولاۋشىلاردىڭ بارلىعى دەرلىك قازا تابادى.
مامانداردىڭ سوزىنشە، اۆياكاتاستروفادان 20 مىڭ ادامنان ءبىر عانا جولاۋشى امان قالادى.
8. سۋعا باتۋ
بۇكىل الەمدىك دەنساۋلىق ساقتاۋ ۇيىمىنىڭ مالىمەتى بويىنشا، جىل سايىن الەمدە ءۇش ءجۇز مىڭنان استام ادام سۋعا باتىپ، قازا تابادى.
7. توق سوعۋ
توق سوعۋ - وندىرىستەگى جۇمىس بارىسىندا ءجيى كەزدەسەدى. ماماندار ەلەكتر قۇرىلىعىلارىن پايدالانعان كەزدە، قاۋىپسىزدىك ەرەجەلەرىن ساقتاۋعا كەڭەس بەرەدى. الەمدە توق سوققاننان قازا تاباتىنداردىڭ سانى جىل سايىن كوبەيۋدە.
6. جەر سىلكىنىسى
جەرسىلكىنۋ ۇزاقتىعى بىرنەشە سەكۋندتان بىرنەشە ايعا دەيىن سوزىلادى. مەحانيكالىق كەرنەۋ كۇشىنىڭ بىرتىندەپ شىعۋىنا بايلانىستى، جەر استى دۇمپۋلەرى قايتالانىپ وتىرادى. سەيسمولوگتار تابيعات اپاتىنان كوز جۇماتىنداردىڭ سانى از ەمەستىگىن جەتكىزدى.
5. ءورت
ەڭ كۇردەلى، زيان تيگىزەتىن ورتتەر ورتكە قاۋىپتى وبەكتىلەردە جانە باسقا دا زاقىمداۋ فاكتورلارى بار وبەكتىلەردە بولادى. سونىمەن بىرگە، ادامدار كوپ شوعىرلانعان جەرلەردە دە ءورت شىعۋ قاۋپى جوعارى.
مامانداردىڭ زەرتتەۋى بويىنشا، ءورت كەزىندە 70 پايىز ادامدار ۋلى گازدان قازا تابادى.
4. سۋيتسيد
ستاتيستيكاعا سەنسەك، ءاربىر 40 سەكۋند سايىن الەمدە ءبىر ادام وزىنە قول جۇمسايدى. ماماندار سۋيتسيدتىڭ سەبەپتەرىن ساناپ شىعۋ مۇمكىن ەمەستىگىن العا تارتتى.
3. جول كولىك اپاتى
الەم بويىنشا جىل سايىن جول كولىك اپاتى سالدارىنان 1,25 ميلليون ادام كوز جۇمادى. ولاردىڭ باسىم بولىگى - جاياۋ جۇرگىنشىلەر مەن موتوتسيكل جۇرگىزۋشىلەرى بولىپ تابىلادى.
2. راك
دارىگەرلەر راك دەرتىنىڭ ەمىن تاپپايىنشا، بۇل اۋرۋ ءتۇرى الەم حالقى تۇرعىندارى ءۇشىن ەڭ قاۋىپتى بولىپ قالا بەرمەك. ستاتيستيكاعا سايكەس، ادامداردىڭ 14 پايىزدى ونكولوگيالىق دەرت سالدارىنان كوز جۇمۋدا.
1. جۇرەك اۋرۋى
قان اينالىم جۇيەسىنىڭ اۋرۋلارى الەمدەگى بارلىق ءولىم-ءجىتىمنىڭ نەگىزگى سەبەبىنە جاتادى. ستاتيسكيعا سايكەس، جىل سايىن الەم بويىنشا 15 ميلليوننان استام ادام وسى دەرتتەن قازا تابادى. ال، ولاردىڭ باسىم بولىگى () جۇرەك تالماسى مەن ينسۋلتتان كوز جۇمادى.