كاسىپورىن تاراتقان مالىمەتتەرگە قاراعاندا، رەسپۋبليكانىڭ وڭتۇستىگىندە جانە وڭتۇستىك-شىعىسىندا - كوبىنە جاڭبىر بولادى. سونداي-اق كەيبىر ايماقتاردا تۇمان ءتۇسىپ، كوكتايعاق بولىپ، جەل كۇشەيەدى. سولتۇستىك جانە سولتۇستىك-باتىستا جاياۋ بۇرقاسىن بولادى.
سولتۇستىك قازاقستان، قوستاناي وبلىستارىنىڭ كەي جەرلەرىندە تۇمان ءتۇسىپ، كوكتايعاق، بۇرقاسىن بولىپ، جەل كۇشەيەدى. تۇندە كەي جەرلەر جەلدىڭ ەكپىنى سەكۋندىنا 15-20 مەترگە جەتەدى. كۇندىز باسىم بولىگىندە 15-20 م/س بولادى. سولتۇستىك قازاقستاندا جەلدىڭ جىلدامدىعى 23-28 م/س- قا دەيىن بارۋى ىقتيمال.
اقمولا وبلىسىنىڭ كەي جەرلەرىندە تۇمان ءتۇسىپ، كوكتايعاق، كۇندىز بۇرقاسىن بولىپ، جەل سەكۋندىنا 15-20 م/س جىلدامدىقپەن ۇيتقيدى.
باتىس-قازاقستان وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى. جەلدىڭ جىلدامدىعى سەكۋندىنا 15-20 مەترگە جەتەدى.
ماڭعىستاۋ وبلىسىنىڭ كەي جەرلەرىندە تۇمان بولىپ، كۇندىز جەل 15-20 م/س جىلدامدىقپەن ۇيتقيدى. كۇندىز اتىراۋ وبلىسىنىڭ كەي جەرلەرىندە - جەلدىڭ جىلدامدىعى 15-20 م/س- كە جەتەدى.
جامبىل، قىزىلوردا، اقتوبە، پاۆلودار، قاراعاندى، شىعىس قازاقستان، تۇندە تۇركىستان، تۇندە جانە تاڭەرتەن الماتى وبلىستارىنىڭ كەي جەرلەرىندە تۇمان بولادى دەپ كۇتىلەدى.