بۇل جونىندە كومپانيانىڭ باسپا ءسوز قىزمەتىنە سىلتەمە جاساپ قازاقپارات حابارلايدى.
كەزدەسۋ بارىسىندا سەرۆيس نىساندارىن دامىتۋ، ولاردى ۇلتتىق ستاندارت تالاپتارىنا سايكەستەندىرۋ، جول بويىنداعى كەشەندەرگە جەر ءبولۋ، قاجەتتى كوممۋنيكاتسيالاردى وتكىزۋ جانە «قازترانسگاز» اق- مەن بىرلەسىپ جول بويىندا گاز قۇيۋ بەكەتتەرىن سالۋ ماسەلەلەرى تالقىلاندى.
قازىرگى تاڭدا تۇركىستان وبلىسىنداعى جول بويىندا قىزمەت كورسەتەتىن 158 نىساننىڭ تەك 2، ال جامبىل وبلىسى بويىنشا 61 نىساننىڭ A ۇلتتىق ستاندارتتارعا ساي. جوسپار بويىنشا قر گاز تارتىلعان وڭىرلەرىندە 100 اۆتوگاز تولتىرۋ كومپرەسسورلىق ستانتسياسىنىڭ قۇرىلىسى كوزدەلگەن. ونىڭ جانىندا كەمپينگ، قوناق ءۇي، ساۋدا ورىندارىن، تەحنيكالىق قىزمەت كورسەتۋ ستانساسىن، اۆتوكولىكتەردى جۋۋ ورىندارىن، زاماناۋي دارەتحانالاردى، جەڭىل جانە جۇك اۆتوكولىكتەرىنە ارنالعان تۇراقتاردى ورناتادى. سونىمەن قاتار، ديزەلدى وتىندى گازعا اۋىستىرۋ ارقىلى كولىك شىعىندارى ازايىپ، ەكولوگيالىق تازا مەتان ەسەبىنەن اتموسفەراعا تيگىزەتىن زياننىڭ كورسەتكىشى تومەندەيدى.
جيىننىڭ ناتيجەسى بويىنشا ءوڭىر باسشىلىعىنا جول بويىنداعى سەرۆيستەردىڭ قازىرگى جاعدايىن جاقسارتۋ، ۇسىنىلاتىن قىزمەتتەردىڭ ساپاسىن ارتتىرۋ تاپسىرىلدى.
ەسكە سالساق، «QazAvtoJol» ۇ ك» ا ق مەن «قازترانسگاز» ا ق قازاقستاندا تابيعي گازدى موتور وتىنى رەتىندە پايدالانۋدىڭ ءوندىرۋ- وتكىزۋ ينفراقۇرىلىمىن دامىتۋ ماسەلەسى بويىنشا مەموراندۋمعا قول قويعان بولاتىن.
مەموراندۋمنىڭ ءمانى - تاراپتار بىرلەسكەن جوبالاردىڭ، ونىڭ ىشىندە حالىقارالىق «باتىس ەۋروپا - باتىس قىتاي» اۆتوجولىنىڭ قازاقستاندىق ۋچاسكەسىندە جانە رەسپۋبليكالىق ماڭىزداعى اۆتوجولداردا كولىككە گاز قۇيۋ بەكەتتەرى بار جول بويىنداعى سەرۆيستەردىڭ قۇرىلىسىن جۇزەگە اسىرۋ تۋرالى سەرىكتەستىك.