ايتا كەتەرلىگى، قازاقستان مۇسىلماندارى ءدىني باسقارماسى 2018 -جىلدى «يسلام جانە وتباسى جىلى» دەپ جاريالاعان. وسىعان بايلانىستى اپتانىڭ ءار بەيسەنبى كۇنى مەشىتتە وتباسىن قۇرعان جاستارعا ۋاعىز- ناسيحات جۇرگىزىلەدى.
«مەشىتتە نەكە قيدىرۋعا تىزىمدەلگەن جاستاردى وتكەن ناۋرىز ايىنان بەرى ءار اپتانىڭ بەيسەنبى كۇنى ارنايى شاقىرامىز»، - دەدى مەشىتتىڭ باسپا ءسوز حاتشىسى امانتاي تويشىباي ۇلى.
ونىڭ سوزىنشە، جاستارعا «يسلامداعى وتباسى»، «شاريعات بويىنشا ەرى مەن ايەلىنىڭ ءبىر- ءبىرىنىڭ الدىنداعى مىندەتتەرى جانە قۇقىقتارى»، «وتباسى جىلۋلىعى»، «اجىراسۋ - اللا تاعالانىڭ الدىنداعى ەڭ جاعىمسىز امال» سياقتى كوپتەگەن تاقىرىپتار بويىنشا ۋاعىزدار ايتىلىپ، اقىل- كەڭەستەر بەرىلىپ كەلەدى. بۇل ىسكە مەشىت يمامدارى مەن ۇستازدار بەلسەنە اتسالىسۋدا. وسى اپتانىڭ بەيسەنبى كۇنى بۇل شارانى وبلىس وكىلدىگىنىڭ جالپى جانە جاستار ءىسىنىڭ مەڭگەرۋشىسى، قالالىق ءابۋ باكىر سىددىق مەشىتىنىڭ باس يمامى ءبىرجان اكىمبەكوۆ جۇرگىزگەن.
«قالادا نەكەلەسكەن بارلىق جاستار ءماشھۇر ءجۇسىپ مەشىتىنە كەلىپ نەكە قيدىرادى»، - دەدى باس يمام.
ونىڭ سوزىنشە، مەشىتتە نەكە قيدىرۋعا قاتىستى بارلىق جاعدايلار جاسالعان.
«ءبىز نەكەلەسىپ جاتقان جاستارعا وتباسى باقىتى ءۇشىن قانداي جاعداي بولماسىن ەرلى- زايىپتىلار ءبىر- بىرىنە قۇرمەت كورسەتىپ، جاقسى مامىلەدە بولۋى كەرەك ەكەندىگىن تۇسىندىرەمىز. ءبىر- بىرىنە دەگەن قىزعانىش، باسقا دا كەلەڭسىز سەزىمنەن بويدى اۋلاق ۇستاۋ كەرەكتىگىن ايتامىز. ولارعا ءجون سىلتەپ، باعىت- باعدار بەرەتىن اللانىڭ كالامى قۇران مەن پايعامبارىمىزدىڭ (وعان اللانىڭ يگىلىگى مەن سالەمى بولسىن) حاديستەرىن وقيمىز. ەگەر ءومىر ءسۇرۋ سالتىمىزدى وسى يسلام دىنىنە نەگىزدەيتىن بولساق، وتباسىمىزدا جانە وتانىمىزدا ءارقاشان تىنىش بولىپ، بەرەكەگە تولىپ ەكى دۇنيەنىڭ باقىتىنا قول جەتكىزەرىمىز انىق»، - دەيدى مەشىتتىڭ باسپا ءسوز حاتشىسى.
ونىڭ ايتۋىنشا، ءبىر اپتادا مەشىتتە 20-دان 25-كە دەيىن نەكە قيىلادى.
«ءبىر جىلدا مەشىتتە نەكەسىن قياتىندار سانى مىڭنان اسادى. تەك قانا اقپان مەن مامىر ايلارىندا نەكە قيعاندار سانى از بولادى. نەكە قيعانداردىڭ اراسىندا جاستار مەن ەگدە جاسقا كەلگەندەر دە بار. مىسالى، وسىدان 20-30 جىل بۇرىن وتباسىن قۇرامىن دەۋشىلەر تەك قانا ازاماتتىق حال- اكتىلەرىن تىركەۋ بولىمىنەن ءوتىپ، مەشىتكە كەلمەيتىن. ال، قازىر مەشىتتە نەكە قيۋدىڭ ماڭىزىن ءتۇسىنىپ، 60-70 جاستاعى جۇبايلار كەلىپ جاتىر. بۇل دۇرىس»، - دەدى امانتاي تويشىباي ۇلى.