قالىڭ ەلدى ەلەڭدەتىپ، ارعى جاعى ورىس ورمان سولتۇستىك پەن شىعىسىمىزعا ورالماندار كوشىن تەز ارادا بۇرۋ جونىندەگى قاۋلى دا شىقتى. ونىڭ بەرگى جاعىندا ورالمانداردى 7 وبلىسقا عانا ورنالاستىرۋ تۋرالى قويىلعان شەكتەۋ الىنىپ تاستالدى.
مىنە، وسى جەردە ءبىلىم جانە عىلىم مينيسترلىگى سەرگەكتىك تانىتىپ، «ماڭگىلىك ەل جاستارى - يندۋسترياعا!» اتتى مەملەكەتتىك باعدارلاما جاساپ، سونىڭ اياسىندا سولتۇستىكتەگى وقۋ ورىندارىنان 2050 ءبىلىم گرانتىن دايىندادى. ونىڭ 1050 ءئ جوعارى وقۋ ورنىنا، 1000-ى كوللەدجدەرگە. «بارەكەلدى!» دەپ ريزاشىلىعىمىزدى ءبىلدىرىپ ۇلگەرگەنشە جاقىندا قاشاندا وسىنداي باستامالاردى جەرگە تۇسىرمەي ءىلىپ الىپ كەتەتىن شىمكەنتتىكتەر «جۇرەك جۇتقان» 1000 قىز بەن جىگىتىن سايلاپ، ولاردى وقۋعا دا ءتۇسىرىپ، سولتۇستىك وڭىرگە سالتاناتتى تۇردە اتتاندىرىپ تا جىبەردى. مىنەكي، ۇلت بولاشاعىنا جانى اشيتىن ناعىز ىسكەر ازاماتتار وسىلاي بولۋى ءتيىس!
ەستەرىڭىزدە مە، كەڭەس وكىمەتى كەزىندە ءوندىرىستى ورىندارعا كومسومولدىق جولدامامەن بارىپ، جاستار شاڭىراق كوتەرىپ، سول جەرلەردە تامىر جاياتىن. سولتۇستىكتە دە، شىعىستا دا ءوندىرىس ورىندارى جەتەدى. بالكىم، ارنايى ەكپىندى قۇرىلىستار ورتالىقتارىن اشۋ كەرەك شىعار. مەملەكەتىمىز جۇمىس ىزدەۋشى وتباسىلارعا ارناپ جاڭا باعدارلاما اشىپتى. الايدا ولارعا بارۋشىلار سيرەك كورىنەدى. بىزدىڭشە، ناسيحات جەتىسپەي جاتىر. بۇل باعدارلامانىڭ ارتىقشىلىقتارىن، ەرەكشەلىكتەرىن ارنايى مەملەكەتتىك تۇرعىداعى توپتار ناسيحاتتاپ، ءتۇسىندىرىپ، ەلىمىزدىڭ تۇكپىر-تۇكپىرىن ارالاپ جولعا شىعۋى ءتيىس. جاستاردى ىنتالاندىراتىن ماسەلە - جوعارى ايلىق، جاقسى باسپانا. وسى جاعىنا كوڭىل بولەلىك.
سونىمەن، «جۇرەك جۇتقان» 1000 بالا سولتۇستىككە اتتاندى. بۇل باستاما بارىمىزگە جۇعىستى بولسىن. سول جالىندى جاستارىمىزدىڭ ومىرلەرى بارعان جەرلەرىندە باياندى بولىپ، الىپ بايتەرەكتەرگە اينالسىن!
اۆتور: ەرتاي ايعالي ۇلى،
«قازاقستان زامان» گازەتى