تولەم 880 مىڭ ادامعا تاعايىندالدى، دەپ حابارلايدى قازاقپارات.
ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، ءوتىنىم بىرنەشە ارنا ارقىلى قابىلدانادى.
1 ميلليون 55 مىڭ ءوتىنىمنىڭ ىشىندە: - 688,7 مىڭ ادام پرواكتيۆتى فورماتتا تولەم تاعايىنداۋعا كەلىسىم بەردى؛
- 271,2 مىڭ ادام Egov.kz پورتالى جانە telegram-بوت ارقىلى؛
- 50,3 مىڭ ادام 42500.enbek.kz پورتالى ارقىلى؛
- 44,8 مىڭ ادام ەكىنشى دەڭگەيدەگى بانكتەردىڭ موبيلدى قوسىمشالارى مەن ينتەرنەت- رەسۋرستار ارقىلى ءوتىنىش بەرگەن.
ونىڭ ىشىندە: - 688,7 مىڭ ءوتىنىش ءبىرىڭعاي جيىنتىق تولەم تولەۋشىلەردەن بەرىلدى (پرواكتيۆتى فورماتتا)؛
- 15,7 مىڭ ءوتىنىشتى جالدامالى قىزمەتكەرلەرى ءۇشىن جۇمىس بەرۋشىلەر بەردى؛
- 350,6 مىڭ ءوتىنىش ازاماتتاردىڭ باسقا ساناتتارىنان كەلىپ ءتۇستى. قوردان 880 مىڭ ادامعا تولەم تاعايىندالدى. ەستەرىڭىزگە سالا كەتەيىك، مەملەكەت باسشىسىنىڭ تاپسىرماسى بويىنشا 2020 -جىلدىڭ شىلدە ايىندا كارانتين ەنگىزىلۋىنە بايلانىستى جۇمىس ىستەپ جاتقان قازاقستاندىقتارعا تابىسى تولىق جوعالعان جاعدايدا ءبىر ەڭ تومەنگى جالاقى - 42500 تەڭگە مولشەرىندە ءبىرجولعى تولەم بەرىلەدى. ءوتىنىش قابىلداۋ 2020 -جىلدىڭ 1-قىركۇيەگىنە دەيىن جالعاسادى.