زەينەتتەگى مەملەكەتتىك قىزمەتشىلەر جالاقىسىنىڭ 70 پايىز ساقتالۋى مۇمكىن
استانا. KAZINFORM - ەلىمىزدە مەملەكەتتىك قىزمەتشىلەر زەينەتكە شىققان كەزدە جالاقىسىنىڭ 70 پايىزىن ساقتاپ قالۋ ۇسىنىلدى. ودان بولەك، كوپبالالى مەملەكەتتىك قىزمەتشىلەردى قولداۋ شارالارى قاراستىرىلىپ جاتىر.
«مەملەكەتتىك قىزمەتشىلەردىڭ الەۋمەتتىك قۇقىعىن قورعاۋ وزەكتى. وسى ورايدا زەينەتكە شىققان مەملەكەتتىك قىزمەتشىلەر جالاقىسىنىڭ %70 ساقتاۋعا قاتىستى وي، ۇسىنىسىمىز بار. ياعني لاۋازىمىنا قاراماستان. ودان بولەك، مەملەكەتتىك قىزمەتشى كوپبالالى بولسا، ونىڭ بالالارىنا گرانت ءبولۋ تۋرالى دا ۇسىنىستار بار. اتالعان ۇسىنىستاردى بىلتىر تامىزدا ۇكىمەتكە كىرگىزدىك. ازىرگە قارجى جاعىنا بايلانىستى قويا تۇرىڭىز دەگەن جاۋاپ بولدى»، - دەدى مەملەكەتتىك قىزمەت ىستەرى اگەنتتىگىنىڭ ءتوراعاسى دارحان جازىقباي Jibek joly تەلەارناسىنداعى «ۋادە» باعدارلاماسىنىڭ ەفيرىندە.
بۇعان دەيىن اگەنتتىك ءتوراعاسى مەملەكەتتىك قىزمەتتە نەگە باسشى كوپ، ورىنداۋشى از دەگەن سۇراققا جاۋاپ بەرگەن ەدى.
اۆتور
داۋلەت ىزتىلەۋ
