زەينەتاقى قورىندا 260 مىڭداي قايتىس بولعان سالىمشىنىڭ 27,8 ميلليارد تەڭگە جيناعى ساقتاۋلى تۇر
استانا. KAZINFORM - ءبىرىڭعاي جيناقتاۋشى زەينەتاقى قورى Kazinform ساۋالىنا جولداعان جاۋابىندا قايتىس بولعان سالىمشىلاردىڭ مۇراگەرلىك راسىمدەلمەگەن شوتتارى تۋرالى مالىمەت بەردى.
«الەۋمەتتىك كودەكستىڭ ەرەجەلەرىندە ب ج ز ق- دان، ونىڭ ىشىندە الۋشىنىڭ قايتىس بولۋىنا بايلانىستى زەينەتاقى جيناقتارىن تولەۋدى (جەرلەۋگە جانە (نەمەسە) مۇراگەرلەرگە) جۇزەگە اسىرۋ ءۇشىن نەگىزدەردىڭ تولىق تىزبەسى ايقىندالعان. سايكەسىنشە، زەينەتاقى جيناقتارىنىڭ سومالارىن الۋشى نەمەسە ونىڭ مۇراگەرى (مۇراگەرلەرى) وسى سومانى تالاپ ەتكەنگە دەيىن ول ب ج ز ق ەسەبىندە بولادى»، - دەپ جازادى قور ماماندارى.
تومەندە ب ج ز ق ەسەبىندە تۇرعان، مۇراگەرلىك رەسىمدەلمەگەن جەكە زەينەتاقى شوتتارىنىڭ سانى مەن وندا سومالار تۋرالى مالىمەت (01.01.2024 ج. جاعداي بويىنشا) ۇسىنىلعان:
ەر سالىمشىلار - 186,8 مىڭ، جەكە زەينەتاقى شوتتارداعى جالپى سوما - 21 ميلليارد 567 ميلليون تەڭگە.
ايەل سالىمشىلار - 72,8 مىڭ، ج ز ش- داعى جالپى سوما - 6 ميلليارد 209 ميلليون تەڭگە.
بارلىعى: 259,6 مىڭ ج ز ش- دا 27 ميلليارد 776 ميلليون تەڭگە جاتىر.
«جوعارىداعى كەستەدەن كورىپ وتىرعانىڭىزداي، ب ج ز ق- دا زەينەتاقى جيناقتارى بار قايتىس بولعان سالىمشىلاردىڭ اقشالارى «ارتىلىپ» قالمايدى جانە ەشقايدا جۇمسالمايدى. جيناقتار قولدانىستاعى زاڭناماعا سايكەس ولاردىڭ مەنشىگى بولىپ تابىلادى جانە مۇراعا قالدىرىلادى»، - دەپ جازىلعان قوردىڭ جاۋابىندا.
اۆتور
ەسىمجان ناقتىباي
