زەرتتەۋ: ادامنىڭ بويىنىڭ ۇزىندىعى مەن اقىل-پاراساتى بىرىمەن-ءبىرى بايلانىستى
استانا. قازاقپارات - ەدينبۋرگ ۋنيۆەرسيتەتى كۇتپەگەن مالىمدەمە جاسادى: بويى الاسا ادامداردىڭ IQ كورسەتكىشتەرى بويى ۇزىن ادامدارعا قاراعاندا تومەن.
عالىمدار ادامنىڭ بويىنا دا، اقىل-ويىنىڭ دامۋىنا اسەر ەتەتىن گەندى انىقتادى، دەپ حابارلادى meddaily.ru.
مۇنداي شەشىم مىڭ ادامدى زەرتتەگەننەن كەيىن جاسالدى.
ولاردىڭ اقىل-ويىنىڭ دەڭگەيى سويلەۋ قابىلەتىن، رەاكسيا جىلدامدىعى مەن اقپاراتتى ەسكە ءتۇسىرۋ قابىلەتىن انىقتاۋعا مۇمكىندىك بەرگەن.
بۇرىندا ماماندار ادام بويىنىڭ ۇزىندىعى مەن جۇرەك اۋرۋىنىڭ دامۋ قاۋپىنىڭ بايلانىسىن انىقتاعان بولاتىن. بەلگىلىسى: قان تامىرى ارتەريالارىندا كالسيدىڭ شوعىرلانۋى جۇرەكتى قانمەن قورەكتەندىرەتىن قان تامىرى جولدارىنىڭ قانشالىقتى جابىلعانىن كورسەتەدى. ول بولاشاقتا جۇرەكتىڭ اۋرۋعا شالدىعۋى مۇمكىن ەكەندىگىن كورسەتەدى.
بويى ۇزىن ادامداردىڭ ادەتتە كالسيى ازداۋ بولىپ كەلەدى. ياعني ولاردا جۇرەكتىڭ يشەميالىق اۋرۋعا شالدىعۋ قاۋپى تومەن. ەگەر ەڭ ۇزىن ادامداردىڭ ءبىر بولىگىن ەڭ تومەن ادامداردىڭ ءبىر بولىگىمەن سالىستىرسا، عالىمداردىڭ ساراپتاماسى بويىنشا، بىرىنشىلەرىنىڭ قالدىقتاردى جيناۋ قاۋپى 30 پايىزعا تومەن.
