زال تولى كورەرمەن، ونەر جۇلدىزدارى، ايگىلى پروديۋسەرلەر: ديماشتىڭ گۆادالاحاراداعى كونسەرتى

استانا. قازاقپارت - 17-قاراشادا قازاقستاندىق ءانشى ديماش قۇدايبەرگەننىڭ گۆادالاحارادا العاش رەت وتكەن جەكە كونسەرتى Auditorio Telmex ارەناسىنا لىق تولى كورەرمەن جينادى، دەپ جازادى dimashnews.

Dimash Qudaibergen’s DIMENSIONS tour makes memorable stop in Guadalajara
Photo credit: Dimashnews.com

جاڭا DIMENSIONS شوۋى مەكسيكانىڭ ءۇشىنشى قالاسىندا دا تىڭدارمان ىقىلاسىنا بولەندى.

كونسەرتىن ءوزىنىڭ «Dimensions» انىمەن باستاعان ديماش شىعارماشىلىق جولىن تانىستىرادى. قيىندىق پەن قىزىققا تولى بۇل جولدا ول جۇرەگىنە قايتا جالىن سىيلايتىن جارىق ساۋلەگە ۇمتىلادى. ونىڭ تاڭداعان باعىتى وزگەلەردەن بولەك. ول بيىكتەردى باعىندىرۋعا كۇش- جىگەرى جەتەتىنىنە سەنىمدى. كۇن سايىنعى سىناقتاردى ەڭسەرىپ، كەدەرگىلەرگە مويىماي، بيىككە سامعاۋدى ماقسات ەتەدى.

Dimash Qudaibergen’s DIMENSIONS tour makes memorable stop in Guadalajara
Photo credit: Dimashnews.com

شوۋدىڭ تيتۋلدى ءانىنىڭ اۋەنىن ديماش، ال ءسوزىن قازاقستاندىق مۋزىكانت ءارى ءان اۆتورى سايان راحىمجان جازعان.

العاشقى انىندە ديماش اينالانى نۇرعا بولەپ، ءۇمىت سىيلايتىن جارىق تۋرالى تولعايدى. تىڭدارماندارىن ءبىر كەڭىستىكتەن ەكىنشى كەڭىستىككە ساپار شەگۋگە شاقىرادى. ءبىر ساتتە تۇتاس ءبىر قاۋىمعا اينالعان كورەرمەن ءار انمەن بىرگە ديماشتىڭ شىعارماشىلىق الەمىنە تەرەڭدەي تۇسەدى…

Dimash Qudaibergen’s DIMENSIONS tour makes memorable stop in Guadalajara
Photo credit: Dimashnews.com

ديماشتىڭ لاتىن امەريكاسىنداعى كونسەرتتەرىنە جاسى، ۇلتى مەن ءتىلى ءارتۇرلى تىڭدارمانداردى كەزدەستىرۋگە بولادى. قازاقستاندىق ءانشىنىڭ بىرەگەي ونەرىنە ءتانتى جاستاردىڭ قاتارى قالىڭ. ءبىر كونسەرتتىك باعدارلاما اياسىنا وپەرالىق ۆوكالدىڭ دجاز، فانك، پوپ جانە رەپ سياقتى بىرنەشە جانرلاردىڭ سىيىپ كەتۋى مەن ودان ءارى كلاسسيكالىق مۋزىكالىق ۇندەستىككە ۇلاسۋى كورەرمەندەردى قايران قالدىردى.

Димаштың Гвадалахарадағы концерті
Фото: dimashnews

ديماشتىڭ جانكۇيەرلەرى اراسىندا مادەنيەت سالاسىندا مول تاجىريبە جيناقتاعان اعا بۋىن وكىلدەرى دە بار.

گۆادالاحاراداعى كونسەرتكە ايگىلى مەكسيكالىق ءانشى، اكتەر ءارى پروديۋسەر ۆيسەنتە فەرناندەستىڭ جۇبايى ماريا ۆيلياسەنور دا كەلدى.

Dimash Qudaibergen’s DIMENSIONS tour makes memorable stop in Guadalajara
Photo credit: Dimashnews.com

گۆادالاحارادا دۇنيەگە كەلگەن ماەسترو ۆيسەنتە «ۇزدىك مەكسيكالىق البوم» اتالىمى بويىنشا بىرنەشە مارتە «گرەممي» سىيلىعىن يەلەنگەن.

ۆيسەنتە فەرناندەستىڭ كينوداعى شىعارماشىلىق جولى 1960 -جىلداردىڭ سوڭىندا باستالدى. ول وتىزدان استام فيلمگە ءتۇسىپ، ولاردىڭ ىشىندە 10 كينودا پروديۋسەر قىزمەتىن دە اتقارعان.

Димаштың Гвадалахарадағы концерті
Фото: dimashnews

مۋزىكا سالاسىندا ەلۋدەن استام البوم شىعارعان ونەرپازدىڭ 61 ءانى Billboard Hot Latin Songs چارتىنا ەنىپ، ولاردىڭ جيىرماسى ۇزدىك وندىقتان ورىن العان.

ماريا حانىم DimashNews رەداكسياسىمەن ديماشتىڭ كونسەرتىنەن العان اسەرىن ءبولىستى.

Dimash Qudaibergen’s DIMENSIONS tour makes memorable stop in Guadalajara
Photo credit: Dimashnews.com

ديماشتىڭ مۋزىكاسىمەن العاش قالاي تانىستىڭىز؟

- ديماشتىڭ ونەرىمەن شامامەن ءۇش جىل بۇرىن ينتەرنەتتەن ونىڭ ساحناداعى ونەرىن تاماشالاعاندا تانىستىم. ونىڭ ورىنداۋشىلىق شەبەرلىگى مەن قايتالانباس مۋزىكالىق دارىنى مەنى بىردەن باۋراپ الدى.

العاش تىڭداعان ءارى مەن ءتانتى ەتكەن تۋىندى - «Ave Maria» ۆوكاليزى. ال قازىرگى مەنىڭ سۇيىكتى ءانىم - «Moonlight».

Димаштың Гвадалахарадағы концерті
Фото: dimashnews

كونسەرتتە ديماش سىزگە قانداي اسەر قالدىردى؟

- ديماش - پەرىشتەدەي اسەم ۇنگە يە، ەرەكشە دارىن يەسى. ونىڭ ورىنداۋشىلىق شەبەرلىگىنە ءتانتىمىن. بۇگىنگى كونسەرتتە ءار تۋىندىنى اسقان تالعاممەن ورىنداۋى ماعان ەرەكشە اسەر ەتتى.

ديماشقا نە ايتار ەدىڭىز؟ الەمنىڭ تۇكپىر-تۇكپىرىندەگى ونىڭ دوستارىنا قانداي وي جەتكىزگىڭىز كەلەدى؟

Димаш Кудайберген собрал полный зал на первом концерте в Гвадалахаре
Фото: DimashNews

- ديماشقا ونەر جولىندا اسقارالى اسۋلاردى باعىندىرىپ، دارا دارىنىمەن الەم جۇرتشىلىعىن ءتانتى ەتە بەرۋىن تىلەيمىن. ديماشتىڭ ايرىقشا داۋىسىن تىڭداپ، اندەرىندەگى تەرەڭ ماعىنانى ءار ادام سەزىنە السا ەكەن. ونىڭ مۋزىكاسى بارشا جۇرتتىڭ قۇلاعىنا جەتۋگە لايىق ەكەنىنە كۇمانىم جوق.

وسى جۇما جانە سەنبى كۇندەرى ديماش بارشا تىڭدارمانىن مەكسيكا استاناسىندا كۇتەدى.

وسىعان دەيىن ديماشتىڭ مەكسيكاداعى كونسەرتى قارساڭىندا جانكۇيەرلەر باس قوسقان بولاتىن.