زاحاروۆا: رەسەيدىڭ ا ق ش-پەن بايلانىسى 13- ناۋرىزدا باستالۋى مۇمكىن
استانا. KAZINFORM - رەسەي سىرتقى ىستەر مينيسترلىگىنىڭ رەسمي وكىلى رەسەيدىڭ امەريكالىق تاراپپەن دجيدداداعى كەلىسسوزدەر ناتيجەسىن تالقىلاۋعا دايىن ەكەنىن اتاپ ءوتتى، دەپ حابارلايدى تاسس.
رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا بريفينگتە ا ق ش پەن ۋكراينانىڭ ساۋد ارابياسىنداعى كەلىسسوزدەرىنەن كەيىن رەسەيگە ەشقانداي رەسمي ءوتىنىش تۇسپەگەنىن اتاپ ءوتتى.
- ءبىز 11 -ناۋرىزدا دجيددادا وتكەن ا ق ش پەن ۋكراينا وكىلدەرىنىڭ كەزدەسۋىن ءجىتى باقىلاپ، قاداعالاپ وتىرمىز. جيىن قورىتىندىسى بويىنشا قابىلدانعان، ءتۇرلى ويلاردان تۇراتىن مالىمدەمەمەن تانىستىق. قازىرگى ۋاقىتتا بۇل ماسەلە بويىنشا بىزگە رەسمي ءوتىنىش تۇسكەن جوق، - دەدى زاحاروۆا.
- ءبىز ءوز تاراپىمىزدان امەريكالىق تاراپپەن الداعى بايلانىس بارىسىندا وندا ايتىلعان باستامالاردى تالقىلاۋعا دايىن بولامىز. ول ءتىپتى بۇگىن بولۋى مۇمكىن. بىزدە ولاردىڭ ناتيجەسى تۋرالى مىندەتتى تۇردە حابارلايمىز، - دەپ اتاپ ءوتتى ر ف س ءى م رەسمي وكىلى.
بۇعان دەيىن ۋكراينا پرەزيدەنتى كەڭسەسىنىڭ باسشىسى اندرەي ەرماك ساۋد ارابياسىنداعى ۋكراينالىق جانە امەريكالىق دەلەگاتسيالار اراسىنداعى كەلىسسوزدەردەن كەيىن جۋرناليستەرگە اتىستى توقتاتۋ تۋرالى تالقىلاۋ كەلەسى اپتادا باستالاتىنىن ايتقان.
دجيددادا ا ق ش پەن ۋكراينا كەلىسسوزدەرى قالاي وتكەنى تۋرالى Kazinform اگەنتتىگىنىڭ ماقالاسىنان وقىڭىز.
اۆتور
ەركەجان سماعۇلوۆا
