يزرايلدىك «ەل-ال» ماسكەۋ باعىتىنداعى بارلىق رەيستەرىن ءبىر اپتاعا توقتاتتى
استانا. KAZINFORM - يزرايلدىڭ فلاگماندىق اۋە تاسىمالداۋشىسى «رەسەي اۋە كەڭىستىگىندەگى وقيعالارعا سىلتەمە جاساي وتىرىپ» توقتاتىلدى. بۇل تۋرالى يزرايلدىك ب ا ق اۋە كومپانياسىنىڭ مالىمدەمەسىنە سىلتەمە جاساپ حابارلادى.
اۋە كومپانياسى رەيستەردى قالپىنا كەلتىرۋ تۋرالى شەشىم كەيىنىرەك قابىلداناتىنىن ايتتى.
- جاعداي كەلەسى اپتادا قايتا قارالىپ، باعىتتىڭ قايتا جالعاسىپ، جالعاسپايتىنى تۋرالى شەشىم قابىلداناتىن بولادى، - دەلىنگەن حابارلامادا.
تاسىمالداۋشى جاقىن ارادا جولاۋشىلارعا وقيعا تۋرالى جاڭارتىلعان اقپاراتتى جىبەرۋگە ۋادە بەردى.
- اۆياتسيا وكىلدەرى بۇل شەشىمدى سارسەنبى كۇنى ازەربايجاندىق جولاۋشىلار ۇشاعىنىڭ اپاتقا ۇشىراۋىمەن بايلانىستىرادى، - دەپ جازادى The Jerusalem Post.
ايتا كەتەيىك، سارسەنبى، جەلتوقساننىڭ 25- كۇنى باكۋدەن گروزنىيعا بەت العان ازەربايجان ۇشاعى اقتاۋ ماڭىندا اپاتقا ۇشىراعان بولاتىن. بورتتا 67 ادام، ونىڭ ىشىندە بەس ەكيپاج مۇشەسى بولعان. وقيعا سالدارىنان 38 جولاۋشى قازا تاپتى.
بۇعان دەيىن QAZAQ AIR اعىمداعى جىلدىڭ 28 -جەلتوقسانى مەن 2025 -جىلدىڭ 27-قاڭتارى ارالىعىندا استانا - ەكاتەرينبۋرگ باعىتى بويىنشا رەيستەردى ۋاقىتشا توقتاتقانىن حابارلاعان بولاتىن.
