يزرايلدىك ديپلوماتتى قىتايدا بەلگىسىز بىرەۋ پىشاقتاپ كەتتى
يزرايل مەن پالەستينالىق حامس ۇيىمى اراسىنداعى سوعىسقا جەتى كۇن وتكەندە، بۇگىن، 13 -قازاندا قىتايدا يزرايل ەلشىلىگىنىڭ قىزمەتكەرلەرىنە شابۋىل جاسالعانى تۋرالى اقپارات تارادى، دەپ حابارلايدى Кazinform.
يزرايل سىرتقى ىستەر مينيسترلىگى جۇما كۇنى يزرايلدىڭ قىتايداعى ەلشىلىگىنىڭ ديپلوماتىنا بەيجىڭدە شابۋىل جاسالعانىن مالىمدەدى. جاراقات العان قىزمەتكەر اۋرۋحاناعا جەتكىزىلگەن، قازىر ونىڭ جاعدايى قالىپتى حابارلاندى.
Сhinatimes جازۋىنشا، قاسكوي يزرايل ەلشىلىگى عيماراتىنىڭ جانىندا پىشاقپەن شابۋىل جاساعان. يزرايلدىك شەنەۋنىكتەر قىلمىستىڭ سەبەبىن انىقتاپ جاتىر.
ينتەرنەتتە تاراعان ۆيدەودا بەيجىڭ كوشەلەرىنىڭ بىرىندە اق كويلەك كيگەن ەر ادامنىڭ يزرايل ەلشىلىگىنىڭ قىزمەتكەرلەرىنە شابۋىل جاساعانى جانە جەر قىزىل قانعا بويالعانىن كورۋگە بولادى.
Associated Press, Reuters جانە South China Morning Post اگەنتتىگىنىڭ مالىمەتىنشە، يزرايل سىرتقى ىستەر مينيسترلىگى جاراقات العان ادامنىڭ اۋرۋحاناعا جەتكىزىلگەنىن جانە ونىڭ جاعدايى تۇراقتى ەكەنىن ايتتى، ءبىراق ونىڭ اتى- ءجونى مەن جۇمىس مارتەبەسىن جاريالامادى.
قىتاي بيلىگى بۇل وقيعاعا قاتىستى ءالى مالىمدەمە جاساعان جوق.
اۆتور
گۇلميرا الياكپاروۆا
以色列驻华使馆外交官北京街头遇刺视频。血腥暴力，小心点击。从视频看，凶手不是中国人，但似乎也不是典型的阿拉伯人长相。 pic.twitter.com/gP4bQF1T3u
— 张平 (@pingzhang632) October 13, 2023
