يزرايلدىڭ گازاعا شابۋىلىنان ب ۇ ۇ- نىڭ وڭىرلىك عيماراتى قيرادى

يزرايل اسكەرىنىڭ گازا سەكتورىنا اۋەدەن جاساعان شابۋىلى سالدارىنان پالەستينالىق بوسقىندارعا كومەك كورسەتۋ جانە جۇمىستاردى ۇيىمداستىرۋعا باعىتتالعان بۇۇ- نىڭ تاياۋ شىعىس اگەنتتىگىنىڭ عيماراتىنا زاقىم كەلدى. Kazinform بۇل تۋرالى انادولىعا سىلتەمە جاساپ حابارلايدى.

палестина
Фото: Фото: Анадолы

ەر- ريمال اۋدانىنداعى ب ۇ ۇ شتاب- پاتەرى عيماراتىنا ايتارلىقتاي زالال كەلتىرىلگەن، دەلىنگەن اگەنتتىك مالىمەتىندە.

گازاداعى ب ۇ ۇ قىزمەتكەرلەرىنىڭ ءبارى سول اۋماقتاعى كورشى عيماراتتى پانالاعانى اتالىپ وتكەن.

7 -قازاننان بەرى جالعاسىپ جاتقان يزرايلدىڭ گازا سەكتورىنا شابۋىلىنان ب ۇ ۇ- نىڭ تاياۋ شىعىس اگەنتتىگىنىڭ 2 قىزمەتكەرى مەن اگەنتتىكتىڭ وقۋ عيماراتتارىندا ءبىلىم الىپ جاتقان پالەستينانىڭ 5 ازاماتى قازا تاپتى.

يزرايل شابۋىلىنان قازا تاپقان پالەستينالىقتاردىڭ سانى 770-كە دەيىن ارتتى، دەپ حابارلادى سەيسەنبى كۇنى گازا دەنساۋلىق ساقتاۋ مينيسترلىگى. مينيسترلىك اقپاراتىنا سايكەس، جارالانعاندار سانى 4 مىڭ ادامعا جەتتى.

يزرايلدىك ب ا ق دەرەگى بويىنشا، گازا سەكتورىنان جاسالعان شابۋىلداردان مەرت بولعان يزرايل ازاماتتارىنىڭ سانى 1 مىڭنان اسقان.

گازادا يزرايل شابۋىلىنان بۇقارالىق اقپارات قۇرالدارىنىڭ 7 وكىلى كوز جۇمدى.

اۆتور

بالنۇر قوجاگەلدى

سوڭعى جاڭالىقتار