يزرايل سيريا جەرىنە دەندەپ ەنىپ بارا جاتىر
استانا. قازاقپارات - تاياۋ شىعىس ەلدەرى يزرايلدىڭ سيريا اۋماعىنا قاراي دەندەپ ەنىپ بارا جاتقان ارەكەتىن ايىپتادى. بۇلار نەگىزىنەن اراب مەملەكەتتەرى.
كاتاردىڭ سىرتقى ىستەر مينيسترلىگى ەۆرەي ەلى قازىرگى الماعايىپ جاعدايدى پايدالانىپ، سيريانىڭ ەگەمەندىگىنە قول سۇعىپ جاتقانىن ايتادى. بىرىككەن اراب امىرلىكتەرىنىڭ سىرتقى ىستەر مينيسترلىگى دە يزرايلدىڭ گولان جوتاسىنداعى بۋفەرلى اۋماقتى باسىپ العانىنا نارازىلىق بىلدىرگەن.
مىسىردىڭ سىرتقى ىستەر ءمينيسترى بادر ابدەل ااتي تۇرىك ارىپتەسى حاكان فيدانمەن تەلەفون ارقىلى سويلەسىپ، سيريانىڭ جەر تۇتاستىعى مەن ەگەمەندىگىن قولدايمىز دەدى.
مادجەد بەن موحاممەد ءال-انساري، كاتار سىرتقى ىستەر مينيسترلىگىنىڭ باسپا ءسوز حاتشىسى:
- قازىرگى سيريانىڭ جەر تۇتاستىعىن، ەگەمەندىگى مەن بارلىق سيريالىقتاردىڭ قۇقىعىن قورعاۋ - ەڭ نەگىزگى باسىمدىق.
24.kz
