يزرايل قارۋلى كۇشتەرى سوققىسىنان گازادا ەكى جۋرناليست قازا تاپقانىن حابارلادى
استانا. KAZINFORM - گازا قالاسىندا يزرايل قارۋلى كۇشتەرى سوققىسىنان Al Jazeera تەلەارناسىنىڭ ەكى جۋرناليسى قازا تاپتى. بۇل تۋرالى Kazinform اگەنتتىگى ت ا س س- قا سىلتەمە جاساپ حابارلايدى.
Х (بۇرىنعى Twitter) تەلەارناسىنىڭ حابارلاماسىندا ايتىلعانداي، اتىس قۇرباندارى - ءتىلشى يسمايل ال-گول جانە ونىمەن بىرگە جۇمىس ىستەگەن Al Jazeera وپەراتورى رامي ار-ريفي.
تاياۋ شىعىستاعى جاعداي 2023 -جىلدىڭ 7-قازانىندا پالەستينانىڭ راديكالدى حاماس قوزعالىسىنىڭ سودىرلارى گازا سەكتورىنان يزرايل اۋماعىنا ەنگەننەن كەيىن كۇرت شيەلەنىستى. ناتيجەسىندە شەكارا ماڭىنداعى ەلدى مەكەن تۇرعىندارى ءولتىرىلدى جانە كەپىلگە الىندى. بۇعان جاۋاپ رەتىندە يزرايل گازانىڭ تولىق قورشاۋعا العانىن جاريالادى جانە ليۆان مەن سيريانىڭ جەكەلەگەن ايماقتارىنا سوققى بەرە باستادى. سودان كەيىن انكلاۆتاعى وپەراتسيانى باستادى. قاقتىعىس يوردان وزەنىنىڭ باتىس جاعالاۋىندا دا بولدى.
گازا بيلىگىنىڭ مالىمەتىنشە، قاقتىعىس باستالعاننان بەرى سەكتوردا كەمىندە 165 جۋرناليست قازا تاپقان.
اۆتور
ەلميرا ورالبايەۆا
