يزرايل باس پروكۋراتۋراسى پرەمەر-مينيستردىڭ ايەلىنە قاتىستى تەرگەۋ جۇرگىزۋدى بۇيىردى
استانا. قازاقپارات - يزرايل باس پروكۋراتۋراسى پوليتسياعا پرەمەر-مينيستر بينيامين نەتانياحۋدىڭ ايەلىنە قاتىستى تەرگەۋ ءىسىن باستاۋعا بۇيرىق بەردى.
سارا نەتانياحۋ ۇكىمەت باسقارىپ وتىرعان كۇيەۋىنىڭ جەمقورلىق ارەكەتتەرىنە بايلانىستى سوت ىسىندەگى ساياسي قارسىلاستارى مەن كۋاگەرلەردى قۋدالادى دەگەن كۇدىككە ىلىنگەن. وسى تۇرعىدا جاقىندا ەسەپ جاريالانىپ، وندا ءبىراز دالەل كەلتىرىلگەن.
سارا نەتانياحۋ بۇرىنعى كومەكشىگە باستى كۋاگەردى ۇركىتۋ جانە ساياسي قارسىلاستارعا قارسى نارازىلىق شاراسىن ۇيىمداستىرۋعا نۇقساۋ بەرگەن حاتتارى تابىلدى. پرەمەر-مينيستر بينيامين نەتانياحۋ بۇل مالىمەتتەردى «وتىرىك» دەپ مالىمدەدى. بۇعان دەيىن ۇكىمەت باسشىسىنا قارسى الاياقتىق، سەنىمگە قيانات جاسادى جانە پارا الدى دەگەن ايىپتار تاعىلعان بولاتىن. قازىر سوت ءىسى جالعاسىپ جاتىر.
24.kz
