يزرايل گازاداعى وپەراتسياسىنىڭ قارقىندى كەزەڭىن اياقتادى

БАҚ: Израиль қорғаныс әскері Газа секторының оңтүстік аудандарына әуеден соққы жасап жатыр
Фото: aa.com.tr

استانا. KAZINFORM - يزرايل ارمياسى گازاداعى وپەراتسيانىڭ قارقىندى كەزەڭى اياقتالعانىن مالىمدەدى. سەكتور تۇرعىندارىنىڭ %85- ى ۇيلەرىن تاستاپ كەتكەن، دەپ جازادى Еuronews.

يزرايل ارمياسىنىڭ مالىمدەۋىنشە، ونىڭ ارمياسى گازا سەكتورىنىڭ سولتۇستىك بولىگىن باقىلاۋعا الۋ ارقىلى جەردەگى قارقىندى وپەراتسياسىن اياقتادى. قورعانىس ءمينيسترى يواۆ گاللانت اسكەردىڭ جاقىن ارادا ونىڭ وڭتۇستىك بولىگىن دە باقىلاۋعا الاتىنىن اتاپ ءوتتى.

ءمينيستردىڭ بريفينگىسى حاماس- تىڭ «كەپىلگە الىنعان ەكى يزرايلدىك ازامات يزرايلدىڭ وق جاۋدىرۋى سالدارىنان قازا تاپتى» دەگەن مالىمدەمەسىنەن كەيىن ءوتتى. گاللانت يزرايلدىڭ گازا سەكتورىنداعى ستراتەگياسىن اقتاۋدى جالعاستىردى.

«اسكەري قىسىمسىز بىزبەن ەشكىم سويلەسپەيدى جانە ونسىز ءبىز ەشقانداي كەلىسىمگە كەلە المايمىز. ۇرلانعان ادامداردى تەك وسىنداي پوزيتسيا ارقىلى بوساتۋعا بولادى»، - دەدى يزرايلدىڭ قورعانىس ءمينيسترى يواۆ گاللانت.

ۇكىمەتتىك ەمەس ۇيىم جاريالاعان سۋرەتتەردەن يزرايل اسكەرلەرى شىعارىلعاننان كەيىن بۋرەيدج بوسقىندار لاگەرىنىڭ ءىس جۇزىندە جويىلعانى كورىنىپ تۇر. ب ۇ ۇ ونىڭ قىزمەتكەرلەرىنە گازا سەكتورىنىڭ سولتۇستىگىنە ءدارى- دارمەك، وتىن، سۋ جانە سانيتارلىق جابدىقتاردى جەتكىزۋ ءۇشىن جەلتوقسان ايىنىڭ سوڭىنان بەرى بىرنەشە رەت كىرۋگە تىيىم سالىنعانىنا قاتىستى شاعىمدانۋىن جالعاستىرۋدا.

«گازاعا گۋمانيتارلىق كومەك اعىنىن ۇلعايتۋ ءۇشىن كەيبىر قادامدار جاسالعانىمەن، قۇتقارۋ كومەگى ايلار بويى ۇزدىكسىز شابۋىلدارعا توتەپ بەرگەن ادامدارعا ءتىپتى قاجەتتى اۋقىمدا دا جەتپەي جاتىر»، - دەدى ب ۇ ۇ باس حاتشىسى انتونيۋ گۋتەرريش.

حابارلانعانداي، انكلاۆتاعى 2 ميلليونعا جۋىق تۇرعىننىڭ 85 پايىزى ءۇيىن تاستاپ كەتۋگە ءماجبۇر بولعان.

اۆتور

زارينا تۋعانبايەۆا

سوڭعى جاڭالىقتار