يزرايل اسكەري-اۋە كۇشتەرى بەيرۋتتىڭ وڭتۇستىگىنە شابۋىل جاسادى. «حەزبوللا» قولباسشىسى ءولتىرىلدى

استانا. KAZINFORM - جۇما كۇنى يزرايل اسكەري- اۋە كۇشتەرى بەيرۋتتىڭ وڭتۇستىگىندەگى داحيا اۋدانىنا سوققى بەرىپ، ناتيجەسىندە ليۆان قوزعالىسىنىڭ باسقا دا قولباسشىلارىمەن قاتار «حەزبوللا» توبىنىڭ جوعارى لاۋازىمدى قولباسشىلارىنىڭ ءبىرى قازا تاپتى، دەپ حابارلايدى Kazinform اگەنتتىگىنىڭ ءتىلشىسى.

يزرايل اسكەريلەرى اۋە سوققىسىنان «حەزبوللا» توبىنىڭ جوعارى اسكەري قولباسشىسى يبراگيم اكيل مەن ليۆان توبىنىڭ تاڭداۋلى بولىمشەسى «رادۆاننىڭ» باسقا جوعارى لاۋازىمدى 10 مۇشەسى ولتىرىلگەنىن حابارلادى.

ليۆاننىڭ دەنساۋلىق ساقتاۋ مينيسترلىگى كەمىندە 14 ادام قازا تاۋىپ، 66 ادام جارالانعانىن حابارلادى. سوققى سالدارىنان بەيرۋتتىڭ وڭتۇستىگىندەگى داحيا اۋدانىنداعى ەكى كوپ قاباتتى عيمارات قيرادى. بۇل ايماق «حەزبوللا» بەكىنىسى رەتىندە تانىمال.

Reuters اگەنتتىگىنىڭ حابارلاۋىنشا، ليۆاننىڭ قاۋىپسىزدىك ورگاندارىنداعى ەكى دەرەككوز اكيلدىڭ قايتىس بولعانىن راستادى.

ليۆان اقپارات قۇرالدارىنىڭ حابارلاۋىنشا، شابۋىلدى يزرايلدىك F-35 يسترەبيتەلى جاساعان. يزرايل قورعانىس ارمياسى سوققىنى «ماقساتتى» تۇردە جاسالعان دەپ سيپاتتايدى.

Reuters اگەنتتىگىنىڭ حابارلاۋىنشا، ولار عيمارات گاراجىنىڭ كىرە بەرىسىندە جارىلعان. جارىلىس عيماراتتىڭ تومەنگى قاباتىندا اكيل باسقا كومانديرلەرمەن كەزدەسىپ جاتقان كەزدە جاسالدى.

يبراگيم اكيل دەگەن كىم؟

تاحسين دەگەن اتپەن بەلگىلى اكيل 1980 -جىلداردىڭ باسىندا توپ قۇرىلعاننان بەرى «حەزبوللانىڭ» نەگىزگى تۇلعاسى بولدى، دەپ حابارلايدى AlJazeera.

حەزبوللانىڭ كوپتەگەن جوعارى لاۋازىمدى اسكەري شەنەۋنىكتەرى سياقتى اكيل دت كوپشىلىك الدىندا كورىنبەيتىن جانە مالىمدەمە جاسامايتىن كولەڭكەلى تۇلعا بولدى.

ا ق ش مەملەكەتتىك دەپارتامەنتىنىڭ مالىمەتىنشە، ول توپتىڭ جوعارعى اسكەري ورگانى - جيھاد كەڭەسىنىڭ مۇشەسى.

اۆتور

ەركەجان سماعۇلوۆا