19:54, 31 - قاڭتار 2025 | GMT +5
يزرايل پالەستينالىق تۇتقىنداردى بوساتۋدى توقتاتتى
استانا. قازاقپارات - يزرايل بيلىگى پالەستينالىق تۇتقىنداردى بوساتۋدى ۋاقىتشا توقتاتىپ تاستادى. جوسپار بويىنشا كەشە 110 ادامدى بوستاندىققا شىعارۋ كەرەك بولاتىن. ءبىراق سوڭعى ساتتە ەۆرەي ەلىنىڭ تاراپى شەشىمىن وزگەرتتى.

سەبەبى حاماس مۇشەلەرىنىڭ ارەكەتى كوڭىلىنەن شىقپاي قالدى. پالەستينالىق ۇيىم سوڭعى رەت يزرايلدىك تۇتقىنداردى بوساتپاس بۇرىن ولاردى اشۋعا بۋلىققان تۇرعىنداردىڭ الدىنا الىپ شىققان ەدى. يزرايل جاعى مۇنى قورلاۋعا تەڭەپ، كەلەسى جولى ونداي جاعدايدىڭ قايتالانباۋىن تالاپ ەتىپ وتىر. تاراپتار گازا سەكتورىنداعى بەيبىت بىتىمگە سايكەس، 19-قاڭتاردان بەرى تۇتقىندارمەن الماسىپ جاتىر.