ۆيتسە- مينيستر: كورشى ەلدەر تاسقىننان ءيت-مىسىق تۇگىل ادامدارىن قۇتقارا الماي جاتىر

استانا. KAZINFORM - توتەنشە جاعدايلار ۆيتسە-ءمينيسترى باۋىرجان سىزدىقوۆ ۆەدومستۆو باسشىسى شىڭعىس ءارىنوۆتىڭ «ارزان پيارعا اۋەستىگى» تۋرالى سىندارعا جاۋاپ بەردى.

«ەل ىشىندە شىڭعىس ءارىنوۆ تاسقىننان ءيت-مىسىقتى قۇتقارىپ، پيار جاساپ ءجۇر دەيتىن پىكىر ايتىلىپ جاتىر. مينيستر بوس جۇمىسپەن اينالىسىپ جۇرگەن جوق پا؟» - دەپ سۇرادى جۋرناليست.

ۆيتسە- مينيستر توتەنشە جاعداي كەزىندە ءيت-مىسىقتى قۇتقارۋدىڭ ەش سوكەتتىگى جوق دەپ ەسەپتەيتىنىن ايتتى.

«جان- جاققا قاراساق، باسقا كورشىلەس مەملەكەتتەرگە قاراساق، مىسىق پەن ءيت تۇگىل ادامدارىن قۇتقارا الماي جاتىر. ال ءبىز بۇكىل ادامدارىمىزدى قۇتقارىپ، ولاردىڭ قاۋىپسىزدىگىن قامتاماسىز ەتىپ، ۇيدەگى قالعان جانۋارلاردى كوشىرىپ جاتىر. قازاق ايتادى عوي. ءيت - جەتى قازىنانىڭ ءبىرى. ول دا ءبىر ءتىرى جان عوي. ول قايتا جاقسى نارسە ەمەس پە»، - دەدى باۋىرجان سىزدىقوۆ.

اۆتور

ەسىمجان ناقتىباي