10:04, 24 - ماۋسىم 2024 | GMT +6
يتاليادا ۇستالعان قازاقستاندىق بوساپ شىقتى
استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ جەرلەسىمىزدىڭ ۇستالعانىن راستادى.
«ءبىزدىڭ ازامات يتاليادا تاريحي عيماراتقا زاڭسىز جازۋ جازعانى ءۇشىن ۇستالدى. قۇقىق قورعاۋ ورگاندارى بارلىق قاجەتتى راسىمدەردى ورىنداعاننان كەيىن ول بوساتىلدى. وسى وقيعاعا قاتىستى سوت ءىسى ودان ءارى اكىمشىلىك تارتىپپەن جۇرگىزىلەدى»، - دەدى ايبەك سمادياروۆ.
ايتا كەتەيىك، بۇعان دەيىن پومپەيدە ۆانداليزم جاساعان قازاقستاندىق تۋريستىڭ ۇستالعانى تۋرالى حابارلاعان ەدىك.
جەرلەسىمىز پومپەي ارحەولوگيالىق پاركىندەگى سەيەۆ ءۇيىنىڭ ەجەلگى قابىرعاسىنا «ALI» ءسوزىن جازعان. ەر ادام كەلگەن زالالدى وتەيتىن بولدى.
اۆتور
داۋلەت ىزتىلەۋ
