يرانداعى جويقىن جارىلىستى «يسلام مەملەكەتى» ۇيىمى ءوز موينىنا الدى

«يسلام مەملەكەتى» ۇيىمى (قازاقستاندا تىيىم سالىنعان) ءتورت جىل بۇرىن ولتىرىلگەن يسلام ريەۆوليۋتسياسى ساقشىلار كورپۋسىنىڭ قايراتكەرى كاسەم سۋلەيمانيدى ەسكە الۋعا ارنالعان ءىس-شارادا بولعان جويقىن جارىلىستاردىڭ جاۋاپكەرشىلىگىن ءوز موينىنا الدى، دەپ حابارلايدى Kazinform اگەنتتىگى BBC جاڭالىقتارىنا سىلتەمە جاساپ.

يراننىڭ كەرمانە قالاسىنداعى زيراتتا بولعان ەكى جارىلىس 84 ادامنىڭ ءومىرىن قيدى. ولار يراننىڭ يزرايل جانە ا ق ش- پەن قارىم-قاتىناسى شيەلەنىسكەن تۇستا بولىپ وتىر.

«يسلام مەملەكەتى» تەلەگرامداعى اككاۋنتىندا جارىلىستى بەلبەۋى جانە جارىلعىش زاتى بار ەكى ءىزباسارى ۇيىمداستىرعانىن حابارلادى.

يراننىڭ مەملەكەتتىك بۇقارالىق اقپارات قۇرالدارى بۇعان دەيىن كەم دەگەندە ءبىرىنشى جارىلىستى جانكەشتى لاڭكەس ۇيىمداستىرعانىن، ەكىنشىسى دە سولاي بولۋى مۇمكىن ەكەنىن مالىمدەگەن.

يراننىڭ جوعارى جەتەكشىلەرى، ونىڭ ىشىندە رۋحاني كوشباسشىسى حامەنەيدىڭ ءوزى بۇل زۇلىمدىققا كىنالىلەردەن كەك الاتىنىن مالىمدەپ، ءبىراق ناقتى كىم ەكەنىن ايتپاعان ەدى.

جارىلىستان كەيىن ەلدىڭ كوپتەگەن قالالارىندا ادامدار جينالىپ، «امەريكاعا ءولىم» جانە «يزرايلگە ءولىم» دەپ ۇرانداتتى.

«يسلام مەملەكەتى» - سۇننيتتىك توپ، ال يران - شييتتىك مەملەكەت. يسلامنىڭ بۇل ەكى تارماعى ءبىر- بىرىنە جاۋ.

بۇعان دەيىن يراننىڭ وڭتۇستىگىندە كەرمان قالاسىنداعى مولانىڭ جانىندا بولعان ەكى جارىلىس سالدارىنان كەمىندە 103 ادام مەرت بولىپ، 170-تەن استام ادام جاراقات العانى حابارلاندى.

سونىمەن قاتار ەل پرەزيدەنتى قاسىم- جومارت توقايەۆ يراننىڭ كەرمان قالاسىندا بولعان لاڭكەستىك ارەكەتتەن كوپ ادامنىڭ قازا تابۋىنا بايلانىستى يبراحيم رايسيگە كوڭىل ايتقان بولاتىن.

اۆتور

بالنۇر قوجاگەلدى