يسپانيا، يرلانديا جانە نورۆەگيا پالەستينانى مويىندادى
استانا. KAZINFORM - يسپانيا، يرلانديا جانە نورۆەگيا ۇكىمەتتەرى پالەستينا مەملەكەتتىلىگىن مويىنداۋ تۋرالى مالىمدەمە جاسايدى. بۇل تۋرالى Politico گازەتى جازدى.
يسپانيادا پرەمەر- مينيستر پەدرو سانچەس بۇل ۇسىنىستى بۇگىن تاڭەرتەڭ پارلامەنتتە تاڭعى ساعات 9.00-دە سويلەگەن سوزىندە جاسادى. يسپانيا 28-مامىردا پالەستينانى مەملەكەت رەتىندە مويىندايدى. بۇل جونىندە Reuters يسپانيا پرەمەر- مينيسترىنە سىلتەمە جاساپ حابارلادى.
يرلانديانىڭ ءۇش پارتيالى ۇكىمەتىنىڭ باسشىلارى: پرەمەر- مينيستر سايمون حارريس، سىرتقى ىستەر ءمينيسترى ميحاەل مارتين جانە قورشاعان ورتانى قورعاۋ ءمينيسترى يمون رايان حابارلاندىرۋدى تاڭعى ساعات 8.00-دە (بريۋسسەل جانە مادريد ۋاقىتى بويىنشا ساعات 9-دا) باسپا ءسوز ءماسليحاتىندا جاسايدى.
نورۆەگيانىڭ پرەمەر- ءمينيسترى ونىڭ ەلى 28 -مامىردا پالەستينانى مەملەكەت رەتىندە رەسمي تۇردە مويىندايتىنىن مالىمدەدى. يوناس گار ستەرەن تاياۋ شىعىستاعى بەيبىتشىلىك مويىنداۋ بولمايىنشا ورنامايتىنىن ەرەكشە اتاپ ءوتتى.
اۆتور
زارينا تۋعانبايەۆا
