يسپانيا جالعىز اۆتوگولمەن يتاليادان باسىم ءتۇستى

Футбол
Фото: championat.com

استانا. KAZINFORM - فۋتبولدان 2024 -جىلعى ەۋروپا چەمپيوناتىنىڭ جەتىنشى ويىن كۇنىن B توبىنداعى يسپانيا مەن يتاليا قۇرامالارى تۇيىندەدى.

يتالياندىق فۋتبولشىلار 2020 -جىلى ەۋروپا چەمپيونى اتاعىن جەڭىپ العان ەدى. سول اتاعىن بيىل قورعاي الا ما؟

اتالعان قۇراما يسپانيامەن كەزدەستى. ويىن بارىسىندا يسپانيالىق فۋتبولشىلار بەلسەندى قيمىل كورسەتتى.

ءبىرىنشى كەزەڭدە نەگىزىنەن يسپانيانىڭ شابۋىلى كورىنىس بەردى. الايدا وعان قارسىلاس قۇراما لايىقتى قارسىلىق كورسەتتى.

ەكىنشى كەزەڭدە دە ولار سول قارقىننان باسەڭدەگەن جوق. ويىننىڭ 55-مينۋتىندا يتاليا قۇراماسىنىڭ قورعاۋشىسى ريككاردو كالافوري ءوزىنىڭ قاقپاسىنا گول جىبەرىپ الدى.

وسىلايشا كەزدەسۋ تاعدىرىن جالعىز گول شەشىپ، يسپانيا قۇراماسى ەكىنشى جەڭىسىنە قول جەتكىزدى. ولار پلەي- وف ساتىسىنا ءبىر تۋر بۇرىن قول جەتكىزدى.

ايتا كەتسەك، اتالعان توپتاعى العاشقى تۋردا يسپانيا حورۆاتيانى 3:0، يتاليا البانيانى 2:1 ەسەبىمەن تىزە بۇكتىردى.

ەندى اتالعان توپتا ءۇشىنشى تۋردا 24-ماۋسىمدا يسپانيا مەن البانيا، يتاليا مەن حورۆاتيا شەبەرلىك بايقاسادى.

ەسكە سالساق، 19-ماۋسىمدا C توبىندا انگليا مەن دانيا، سلوۆەنيا مەن سەربيا 1:1 ەسەبىنە قاناعات ءبىلدىردى.

اۆتور

ءادىلجان ۇمبەت

سوڭعى جاڭالىقتار