جەزقازعان مەن ساتبايەۆ قالالارىندا ەكىنشى جىلۋ ەلەكتر ورتالىعى سالىنادى

  استانا. KAZINFORM - مەملەكەت باسشىسى ۇلىتاۋ وبلىسىنىڭ اكىمى بەرىك ءابدىعالي ۇلىن قابىلدادى.

بەرىك ءابدىعالي ۇلى وبلىستىڭ بىلتىرعى الەۋمەتتىك-ەكونوميكالىق دامۋ قورىتىندىسى تۋرالى ەسەپ بەردى. ونىڭ ايتۋىنشا، نەگىزگى كاپيتالعا سالىنعان ينۆەستيتسيا كولەمى 14 پايىزعا ءوسىپ، 210,1 ميلليارد تەڭگەگە جەتكەن. وسى رەتتە جەكە ينۆەستيتسيانىڭ ۇلەسى 90 پايىز بولعان. وتكەن جىلى وڭىردە جالپى سوماسى 10 ميلليارد تەڭگە بولاتىن 3 ءىرى جوبا ىسكە اسىرىلدى. بيىل كەم دەگەندە 16 جوبانى، ونىڭ ىشىندە ونەركاسىپ جانە گەولوگيا باعىتتارى بويىنشا 8، تۋريزم جانە ساۋدا سالالارىندا 3، اگروونەركاسىپ كەشەنىندە 5 جوبانى ىسكە قوسۋ جوسپارلانعان. ناتيجەسىندە وڭىردە 700 جاڭا جۇمىس ورنى اشىلادى.

بيىل اگرارلىق سالادا قۇس فابريكاسىن، ەت وڭدەۋ كەشەنىن سالۋ، 3000 گەكتار اۋماقتا كارتوپ جانە كوكونىس وسىرەتىن فەرمەرلىك شارۋاشىلىقتاردى ىسكە قوسۋ كوزدەلىپ وتىر. «جايلى مەكتەپ» ۇلتتىق جوباسى اياسىندا 2024-2025 -جىلدارى 3600 ورىندىق 6 مەكتەپ سالىنادى. ونىڭ بىرەۋى بيىل جەزقازان قالاسىندا پايدالانۋعا بەرىلمەك. سونىمەن قاتار: بيىل ىسكە قوسىلاتىن 10 سپورت نىسانى جايىندا باياندادى. 320 ادامعا ارنالعان باسسەينى بار كوپفۋنكتسيونالدى سپورت كەشەنى، جەزقازعان قالاسىندا «قازاقمىس» كورپوراتسياسى «نامىس» س ك بالالار مەن جاسوسپىرىمدەر سپورت اكادەمياسى، جەزدى جانە جاڭاارقا كەنتتەرىندە دەنە شىنىقتىرۋ-ساۋىقتىرۋ كەشەندەرى، قاراجالدا جابىق باسسەين، سونداي- اق انگار ءتيپتى 5 ويىن كەشەنى سالىنادى.

اكىم وبلىستاعى جىلىتۋ ماۋسىمىنىڭ جانە جىلۋمەن قامتاماسىز ەتۋ جۇمىستارىنىڭ بارىسى تۋرالى ايتتى. ينفراقۇرىلىمدى ودان ءارى دامىتۋعا بايلانىستى 2029 -جىلى جەزقازعان مەن ساتبايەۆ قالالارىندا ەكىنشى جىلۋ ەلەكتر ورتالىقتارىنىڭ قۇرىلىسىن جۇرگىزۋ جوسپارلانىپ وتىر. بۇل ورتالىقتار جىلۋ تاپشىلىعى ماسەلەسىن شەشۋگە ءتيىس. جەزقازعان - قىزىلوردا جانە جەزقازعان - ارقالىق جولدارىنىڭ قۇرىلىس- مونتاجداۋ، سونداي- اق ءۇيتاس- ايدوس سۋ قۇبىرىن رەكونسترۋكتسيالاۋ جۇمىستارى باستالعانى جايىندا باياندادى.

قاسىم- جومارت توقايەۆ ءوڭىردى ودان ءارى دامىتۋ جانە تۇرعىنداردىڭ ءال-اۋقاتىن جاقسارتۋ جونىندە ءبىرقاتار تاپسىرما بەردى.