يراننىڭ ۆيتسە-پرەزيدەنتى وتستاۆكاعا كەتۋگە ءوتىنىش بەردى

استانا. KAZINFORM - يران ۆيتسە-پرەزيدەنتى زاريفتىڭ وتستاۆكاعا كەتۋى ەكونوميكا ءمينيسترى ابدولناسەر حەمماتيگە يمپيچمەنت جاريالانعاننان كەيىن بولدى، دەپ جازادى انادولى.

يراننىڭ ستراتەگيالىق ماسەلەلەر جونىندەگى ۆيتسە-پرەزيدەنتى موحامماد دجاۆاد زاريف وتستاۆكاعا كەتۋگە ءوتىنىش ءبىلدىردى.

يراننىڭ رەسمي IRNA اقپارات اگەنتتىگىنىڭ حابارلاۋىنشا، زاريفتىڭ وتستاۆكاعا كەتۋى ەكونوميكا ءمينيسترى ابدولناسەر حەمماتيگە يمپيچمەنت جاريالانعاننان كەيىن بولدى.

حەمماتيگە ەلدىڭ ەكونوميكالىق ماسەلەلەرىن شەشە المادى دەگەن ايىپ تاعىلدى.

يران پرەزيدەنتى ماسۋد پەزەشكياننىڭ زاريفتىڭ وتستاۆكاعا كەتۋ تۋرالى مالىمدەمەسىنە ءالى جاۋاپ بەرمەگەنى اتالىپ ءوتتى.

2013-2021 -جىلدار ارالىعىندا يراننىڭ سىرتقى ىستەر ءمينيسترى بولعان زاريف 2015 -جىلعى يادرولىق كەلىسىمدى جاساۋشىلاردىڭ ءبىرى بولدى.

تامىز ايىندا پرەزيدەنت پەزەشكيان زاريفتى ستراتەگيالىق ماسەلەلەر جونىندەگى ۆيتسە-پرەزيدەنت ەتىپ تاعايىندادى.

ۋلترا كونسەرۆاتيۆتى توپتاردىڭ شابۋىلىنا ۇشىراعان زاريف تامىز ايىندا ۇكىمەت پارلامەنتتە سەنىم داۋىسىن العان كەزدە وتستاۆكاعا كەتەتىنىن مەڭزەگەن، ءبىراق كەيىن ءول وز مىندەتىن قايتا باستادى.

زاريف سونىمەن قاتار شۆەيساريانىڭ داۆوس قالاسىندا وتكەن دۇنيەجۇزىلىك ەكونوميكالىق فورۋمدا (د ە ف) حيدجابقا تىيىم سالۋ جانە حاماس- پەن اراداعى جاعداي تۋرالى ايتقان سوزدەرى ءۇشىن يراننىڭ ۋلترا كونسەرۆاتيۆتى توپتارى تاراپىنان سىنعا ۇشىرادى.

وسىعان دەيىن يراننىڭ ەكونوميكا مينيسترىنە يمپيچمەنت جاريالانعانى بەلگىلى بولدى.

اۆتور

ەركەجان سماعۇلوۆا