يراندا جارىلىس بولدى

استانا. KAZINFORM - يراننىڭ يسفاحان قالاسىنىڭ اۋەجايى ماڭىنان جارىلىس داۋىسى ەستىلگەن، دەپ حابارلادى ВВС.

FARS اگەنتتىگىنىڭ حابارلاۋىنشا، جارىلىس حالىقارالىق اۋەجاي مەن اۋە كۇشتەرىنىڭ بازاسى ورنالاسقان كاحياۆەرەستان قالاسىندا بولعان.

جەرگىلىكتى اقپارات قۇرالدارىنىڭ جازۋىنشا، بارلىعى ءۇش جارىلىس ورىن الدى.

FARS بولجامدى نىسانالاردىڭ ءبىرى اسكەري رادار بولعانىن، جارىلىستار سالدارىنان بىرنەشە كەڭسە عيماراتىنىڭ تەرەزەلەرى سىنعانىن مالىمدەدى.

تەگەران مەن باسقا قالالاردىڭ ۇستىنەن ۇشۋلار توقتاتىلدى.

Mehr اگەنتتىگى تەگەران، يسفاحان جانە شيرازعا، سونداي-اق ەلدىڭ باتىسىنداعى، سولتۇستىك-باتىسىنداعى جانە وڭتۇستىك-باتىسىنداعى اۋەجايلارعا رەيستەردىڭ توقتاتىلعانىن ايتتى.

CNN بۇعان دەيىن يران اۋە كەڭىستىگىندە بولعان سەگىز ۇشاق باعىتىنان اۋىتقىعانىن حابارلاعان.

اۋە قورعانىسى جۇيەلەرى يراننىڭ بىرنەشە ايماعىندا جۇمىس ىستەيدى.

«يراننىڭ اۋە قورعانىسى ەلدىڭ بىرنەشە پروۆينتسياسىنىڭ اسپانىندا ىسكە قوسىلدى»، - دەپ حابارلادى IRNA اقپارات اگەنتتىگى.

اۆتور

ەركەجان سماعۇلوۆا