يران پرەزيدەنتىنىڭ ءولىمى قاستاندىق ارەكەت بولۋى دا مۇمكىن
استانا. قازاقپارات- يران پرەزيدەنتى يبراحيم رايسي ازەربايجانعا رەسمي ساپارى كەزىندە اپاتقا ۇشىراپ كوز جۇمدى. بۇل تۋرالى يران ۆيتسە-پرەزيدەنتى موحسەن مانسۋرۋ مالىمدەدى.
رەسمي اقپار بويىنشا تىكۇشاق اپاتتى قونۋ كەزىندە جانىپ، ەكيپاج مۇشەلەرىنىڭ بارلىعى وقيعا ورنىندا جان تاپسىردى. تىكۇشاقتا يران باسشىسىمەن قوسا ونىڭ دەلەگاتسياسى بولعان.
يران باسشىسى يبراحيم رايسي جەكسەنبى كۇنى ازەربايجان پرەزيدەنتى يلحام اليەۆپەن بىرگە اراس وزەنىندەگى سۋ ەلەكتر ستانسيالارىنىڭ اشىلۋ سالتاناتىنا قاتىسادى. يراننىڭ سولتۇستىك- باتىسىنداعى پارساباد قالاسىندا وتكەن جيىننان قايتار جولدا پرەزيدەنت تىكۇشاعى اپاتقا ۇشىرايدى. اۋا رايىنىڭ قولايسىزدىعىنان تىكۇشاق اپاتتى جاعدايدا دجۋلفا قالاسىنىڭ ماڭىنا قونىپ، وقيعا ورنىندا جانىپ كەتكەن. بۇل تۋرالى اۋەلى قىزىل اي قۇتقارۋ ۇيىمىنىڭ باسشىسى پيرحوسسەين كوليۆاند مالىمدەدى.
كەيىنگى جىلدارى تاياۋ شىعىس ەلدەرىنىڭ اراسىندا الاۋىزدىق بارى جاسىرىن ەمەس. يران پرەزيدەنتى ا ق ش پەن يزرايلگە قارسى قاتاڭ ساياسات ۇستانعان قايراتكەر. الەم يران مەن يزرايل اراسىنداعى گەوساياسي بايلانىستىڭ جىلدان جىلعا ۋشىعىپ كەلە جاتقانى دا كۋا. بۇل اپاتتىڭ دا قاساقانا ۇيىمداستىرىلۋى مۇمكىن دەگەن بولجامدار جوق ەمەس.
24.kz
