يران ە ا ە و- مەن كەلىسىمنىڭ ارقاسىندا ءىرى كولىك حابىنا اينالادى
يران ەۋرازيالىق ەكونوميكالىق وداقپەن (ە ا ە و) ەركىن ساۋدا ايماعىن قۇرۋ تۋرالى كەلىسىمنىڭ ارقاسىندا كولىك حابىنا اينالادى. Kazinform بۇل تۋرالى تاسس- قا سىلتەمە جاساپ حابارلايدى.
بۇل تۋرالى يران يسلام رەسپۋبليكاسىنىڭ ازاماتتىق اۆياتسيا ۇيىمى باسشىسى موحامماد موحاممادي- باحش IRNA اگەنتتىگىنە بەرگەن سۇحباتىندا ءمالىم ەتكەن.
- ەلىمىزدىڭ اشىق سۋلارعا قولجەتىمدىلىگى سولتۇستىك- وڭتۇستىك ءدالىزى بويىنشا جۇك تاسىمالداۋعا مۇمكىندىك بەرەدى جانە ە ا ە و- عا مۇشە- ەلدەرمەن اۋە قاتىناسى دامىعان كەزدە يران ءىرى كولىك حابىنا اينالادى، - دەپ حابارلادى ۆەدومستۆا باسشىسى.
ول يراننىڭ گەوساياسي جاعدايىن جانە ءتۇرلى كولىك تۇرلەرىمەن جۇك تاسىمالداۋ تاجىريبەسى بار ەكەنىن ەسكەرە وتىرىپ، ەۋرازيالىق ەكونوميكالىق وداق ەلدەرىنىڭ وسى سالاداعى قاجەتتىلىگىن قاناعاتتاندىرۋ ماقساتىندا وداققا مۇشە ەلدەرمەن اۋە قاتىناسىن دامىتۋدىڭ الەۋەتى زور ەكەنىن اتاپ ءوتتى.
25 -جەلتوقساندا ەاەو ەلدەرى يرانمەن ەركىن ساۋدا تۋرالى تولىق فورماتتاعى كەلىسىمگە قول قويدى. قۇجاتقا قول قويۋ ءراسىمى سانكت- پەتەربورداعى جوعارى ەۋرازيالىق ەكونوميكالىق كەڭەس وتىرىسى اياسىندا ءوتتى، وعان رەسەي پرەزيدەنتى ۆلاديمير پۋتين قاتىستى.
اۆتور
بالنۇر قوجاگەلدى
