يراك اسكەري بازاسىندا جارىلىس بولدى

استانا. KAZINFORM -سەنبىگە قاراعان ءتۇنى باعدادتىڭ وڭتۇستىگىندەگى ۆاۆيلون پروۆينتسياسىنداعى يراكتىڭ حالىقتى موبيليزاتسيالاۋ كۇشتەرىنە قاراستى اسكەري بازادا ۇلكەن جارىلىس بولدى.

جارىلىس باعدادتان وڭتۇستىككە قاراي 50 شاقىرىمداي جەردە، بابيل پروۆينتسياسىنداعى يسكانداريا قالاسىنا جاقىن جەردە ورنالاسقان كالسو اسكەري بازاسىنداعى وق-ءدارى قويماسىندا بولعانى حابارلاندى.

حالىقتى موبيليزاتسيالاۋ كۇشتەرىنىڭ ءبىر جاۋىنگەرى قازا تاۋىپ، التاۋى جارالاندى، دەپ حابارلادى Reuters جەرگىلىكتى اۋرۋحاناعا سىلتەمە جاساپ.

ح م ك تاراتقان قىسقا مالىمدەمەدە «بابيل پروۆينتسياسىنىڭ سولتۇستىگىندەگى تاس جول بويىندا ورنالاسقان ءال-ماشرۋ اۋدانىنداعى كالسۋ اسكەري بازاسىنداعى حالىقتىق موبيليزاتسيالاۋ كۇشتەرىنىڭ شتاب-پاتەرىندە جارىلىس بولدى» دەلىنگەن.

حالىقتىق موبيليزاتسيالاۋ كۇشتەرى يراك قاۋىپسىزدىك كۇشتەرىنىڭ ءبىر بولىگى جانە يران تاراپىنان قولداۋ كورسەتىلەتىن رەسمي اسكەريلەندىرىلگەن ۇيىم.

ول دايش- پەن كۇرەسۋ كەزىندە قارۋلى جاساق توبى رەتىندە پايدا بولدى.

ازىرگە اۋە شابۋىلىنا كىمنىڭ جاۋاپتى ەكەنى بەلگىسىز.

يراك استاناسى ماڭىنداعى جارىلىستار يزرايلدىڭ يراننىڭ ورتالىعىنداعى يسفاحانداعى اسكەري بازاعا جاساعان سوققىسىنان ءبىر كۇن وتكەن سوڭ بولدى.

ا ق ش-تىڭ رەسمي وكىلى ا ق ش تاراپىنان يراكقا اسكەري ارەكەت جاسالماعانىن ايتتى.

ا ق ش ورتالىق قولباسشىلىعىنىڭ مالىمدەمەسىندە: «ا ق ش بۇگىن يراكقا قارسى اۋە شابۋىلدارىن جاساعان جوق»، دەلىنگەن.

اۆتور

ەركەجان سماعۇلوۆا