يران ورمۋز بۇعازى ارقىلى وتۋگە رۇقسات ەتىلگەن ەلدەردى اتادى
استانا. kazinform - يران پارلامەنتىنىڭ ۇلتتىق قاۋىپسىزدىك جانە سىرتقى ساياسات جونىندەگى كوميسسيا ءتوراعاسىنىڭ ورىنباسارى امير حايات موگاددام ءۇندىستان، قىتاي، يراك جانە قاتار تۋىمەن جۇزەتىن كەمەلەر ورمۋز بۇعازى ارقىلى كەدەرگىسىز وتە الاتىنىن مالىمدەدى. بۇل تۋرالى Report اگەنتتىگى حابارلادى.
- قازىرگى ۋاقىتتا ءۇندىستان، قىتاي، يراك جانە قاتار كەمەلەرىن ورمۋز بۇعازى ارقىلى وتۋگە قويىلعان شەكتەۋلەردەن بوساتتىق. بۇل ەلدەردىڭ كەمەلەرى بۇعازدان ەركىن وتەدى، ا ق ش تا ولارعا كەدەرگى كەلتىرمەيدى، — دەدى يران وكىلى.
ونىڭ ايتۋىنشا، قاتار كەمەلەرىنەن ورمۋز بۇعازى ارقىلى وتكەنى ءۇشىن اقى الىنبايدى. اگەنتتىككە سۇحبات بەرگەن شەنەۋنىك مۇنى قالىپتاسقان جاعدايمەن بايلانىستىردى. ونىڭ سوزىنشە، تەگەران شەشىم قابىلداعاندا تاراپتاردىڭ ءوزارا مۇددەسىن ەسكەرەدى.
پارلامەنت وكىلى ءۇندىستان كەمەلەرىنىڭ بۇعازدان وتۋىنە جەڭىلدىك جاساۋداعى ماقسات وسى ەلدەن ءدارى-دارمەك يمپورتىن قامتاماسىز ەتۋ ەكەنىن اتاپ ءوتتى. ال قىتاي كەمەلەرىنە بەرىلگەن جەڭىلدىكتەر بەيجىڭنىڭ ساياسي قولداۋىنا يە بولۋدى كوزدەيدى.
يران شەنەۋنىگى ءۇندىستان مەن قىتاي كەمەلەرىنەن بۇعاز ارقىلى وتكەنى ءۇشىن اقى الىناتىنىن، ال قاتار كەمەلەرىنە مۇنداي تولەم قاراستىرىلماعانىن دا ءتۇسىندىردى.
بۇعان دەيىن يران ا ق ش تالاپتاردى ورىنداسا، ورمۋز بۇعازىن ەكى كۇندە اشۋعا دايىن ەكەنىن حابارلاعان بولاتىن.
