يران سۋاستى سىمدارىن اتقىلاۋى مۇمكىن
استانا. قازاقپارات - يران ورمۋز بۇعازىنداعى سۋاستى ينتەرنەت كابەلدەرىنە سوققى جاساۋى مۇمكىن. يسلام توڭكەرىسى ساقشىلار كورپۋسىنىڭ رەسمي وكىلى حوسەين موحەب وسىلاي دەپ ەسكەرتۋ جاسادى.
ونىڭ ايتۋىنشا، تەگەرانعا قارسى شيەلەنىس قايتا كۇشەيگەن جاعدايدا بۇعاز ارقىلى ءوتىپ جاتقان جەتى جەلى شابۋىل نىسانىنا اينالادى. وسى سۋاستى الىپ سىمدارى تاياۋ شىعىس پەن افريكا ارقىلى ازيا مەن ەۋروپا اراسىن ينتەرنەتپەن قامتاماسىز ەتەدى. ولار زاقىمدانىپ، قيىلعان جاعدايدا حالىقارالىق دەرەك الماسۋ جۇيەسىندە ىركىلىستەر تۋىنداۋى مۇمكىن. ال، الەمدىك ينتەرنەت ترافيكتىڭ %30- ى قىزىل تەڭىز بەن ورمۋز بۇعازى ارقىلى وتەتىن سۋ استى كابەلدەرىنە تاۋەلدى.
