يران مەن ا ق ش قاتاردىڭ ارااعايىندىعىمەن ەكى ساعات كەلىسسوز جۇرگىزدى
استانا. KAZINFORM - ب ۇ ۇ باس اسسامبلەياسى اياسىندا يران مەن ا ق ش اراسىندا قاتاردىڭ ارا اعايىندىعىمەن كەلىسسوزدەردىڭ كەزەكتى كەزەڭى ءوتتى. كەلىسسوز شامامەن ەكى ساعاتقا سوزىلدى، دەپ حابارلايدى IRNA.
يران سىرتقى ىستەر مينيسترلىگىنىڭ رەسمي وكىلى ەسمايل باگايدىڭ مالىمەتىنشە، بايلانىستار بارىسىندا ا ق ش تاراپىنا ديپلوماتيالىق پروتسەستى قايتا باستاۋعا قاتىستى تەگەراننىڭ نەگىزگى تالاپتارى جەتكىزىلگەن.
- يراننىڭ تالاپتارى ايقىن جانە ەكىۇشتى تۇسىندىرۋگە كەلمەيدى: ا ق ش- تىڭ اگرەسسيۆتى ارەكەتتەرىن، سونىڭ ىشىندە تەڭىز بلوكاداسى مەن ەكونوميكالىق قىسىمدى توقتاتۋ، بارلىق مايدانداعى سوعىستى اياقتاۋ، يران اكتيۆتەرىن بۇعاتتان شىعارۋ، سونداي-اق جاعالاۋداعى مەملەكەتتەر اراسىنداعى ۋاعدالاستىقتار نەگىزىندە قاۋىپسىز كەمە قاتىناسىن قامتاماسىز ەتۋ، - دەپ جازدى باگاي X الەۋمەتتىك جەلىسىندە.
يران تاراپى كەلىسسوزدەردىڭ قاتاردىڭ دەلدالدىعىمەن وتكەنىن مالىمدەدى. Reuters تە 23 -قىركۇيەكتە ا ق ش پەن يران اراسىندا بىرنەشە ايدان كەيىن العاش رەت جاناما كەلىسسوزدەر وتكەنىن حابارلادى. اگەنتتىك دەرەگىنشە، تاراپتاردىڭ ۇستانىمدارى اراسىندا ءالى دە ەلەۋلى ايىرماشىلىقتار بار.
ايتا كەتەيىك، يران اۋە كومپانيالارى ا ق ش سانكسيالارىنا بايلانىستى حالىقارالىق بىرنەشە رەيستى توقتاتتى.
