يناۋگۋراتسيادان 10 كۇن بۇرىن ترامپقا ۇكىم شىعاتىن بولدى
استانا. KAZINFORM – ا ق ش پرەزيدەنتى بولىپ تاڭدالعان دونالد ترامپتى ۇلىقتاۋ سالتاناتىنا ون كۇن قالعاندا بۇرىن جاساعان قىلمىسى ءۇشىن ۇكىم شىعارىلىتانى بەلگىلى بولدى. بۇل تۋرالى BBC جازدى.
پورنو جۇلدىز ستورمي دەنيەلسكە اۋىزباستىرىق رەتىندە اقشا تولەگەنىن جاسىرىپ، جازبالاردى بۇرمالاعانى ءۇشىن دونالد ترامپتىڭ سوت پروتسەسىنە ءتوراعالىق ەتىپ جاتقان يورك حۋان مەرچان ا ق ش- تىڭ سايلانعان پرەزيدەنتىن ۇلىقتاۋ راسىمىنە 10 كۇن قالعاندا، ياعني 10- قاڭتاردا ۇكىم شىعاراتىنى تۋرالى شەشىم قابىلدادى.
سۋديا ترامپتى ناقتى تۇرمە جازاسىنا كەسۋگە نيەتتى ەمەس ەكەنىن ەسكەرتىپ، سوتتالۋشىعا سوت ۇكىمى بويىنشا جەكە ءوزى دە، بەينەبايلانىس ارقىلى دا قاتىسۋعا رۇقسات بەردى. سونداي-اق، سۋديانىڭ ۇيعارىمىنان ونىڭ ايىپپۇل نەمەسە پروباتسيالىق باقىلاۋ سياقتى جەڭىلدەتىلگەن جازالاردى تاعايىنداۋعا دا نيەتى جوق ەكەنىن ايتتى.
مامىر ايىندا قازىلار القاسى ءبىراۋىزدان ترامپتى وزىنە تاعىلعان ايىپتىڭ 34 بابى بويىنشا كىنالى دەپ تاپتى. الايدا، ول ءوز كىناسىن مويىنداعان جوق. سۋديا بۇرىنعى جانە بولاشاق پرەزيدەنتتى جازالايتىن ۇكىمدى جاريالاۋ بىرنەشە رەت كەيىنگە قالدىرىلىپ، قاراشا ايىندا وتكەن پرەزيدەنتتىك سايلاۋدا ترامپ جەڭىسكە جەتكەننەن كەيىن ونىڭ ادۆوكاتتارى پرەزيدەنتتىڭ يممۋنيتەتىنە بايلانىستى ءىستى توقتاتۋدى ۇسىندى.
قازىرگى ۋاقىتتا بۇل ترامپقا قاتىستى ۇكىم شىعارعان جالعىز قىلمىستىق ءىس بولماق، دەگەنمەن ساياساتكەر نيۋ-يورك شتاتىنىڭ سوتتارىنا شاعىمدانا الادى. ترامپقا قارسى ەكى فەدەرالدى ءىس ول سايلانعاننان كەيىن توقتاتىلدى، ويتكەنى ادىلەت مينيسترلىگى پرەزيدەنتتى قۋدالاۋ كونستيتۋتسياعا قايشى دەپ مالىمدەدى. دجوردجياداعى سوت پروتسەسى پروكۋرور فاني ۋيلليستىڭ سايلاۋ قۇقىعىنان ايىرۋىنا بايلانىستى بىرنەشە اي بويى توقتاپ قالدى.
وتكەن جىلدىڭ ءساۋىر ايىندا نيۋ-يوركتە دونالد ترامپقا قاتىستى اتالعان سوت باستالعان بولاتىن.
