ۋيليام حانزادا BBC ەفيرىندە قازاقستاننىڭ كيىك پوپۋلياتسياسىن قالاي قالپىنا كەلتىرگەنىن ايتتى
استانا. KAZINFORM - ۇلى بريتانيا حانزاداسى ۋيليام قازاقستاننىڭ كيىك پوپۋلياتسياسىن قالپىنا كەلتىرۋدەگى جەتىستىگىن جوعارى باعالادى. ول بۇل تۋرالى 23 -قازاندا BBC ارناسىندا كورسەتىلگەن گرەم نورتوننىڭ The Graham Norton Show باعدارلاماسىندا ايتقان.
حانزادا ءبىر كەزدەرى جويىلىپ كەتۋ قاۋپى تونگەن كيىكتەر سانىنىڭ قازىر ايتارلىقتاي كوبەيگەنىن اتاپ ءوتتى.
باعدارلامادا قازاقستانداعى كيىكتەر تۋرالى اڭگىمە قوزعالعاندا، ۋيليام حانزادا ءبىر كەزدەرى جويىلىپ كەتۋ قاۋپى اسا جوعارى بولعان جانۋارلاردىڭ سانى قازىر كۇرت كوبەيگەنىن اتاپ ءوتتى. ونىڭ سوزىنشە، بۇعان قازاقستان ۇكىمەتىنىڭ كيىكتى قورعاۋعا ەرەكشە ءمان بەرۋى ىقپال ەتكەن.
- بۇل كيىكتەر ءبىر كەزدەرى جويىلىپ كەتۋ قاۋپى اسا جوعارى جانۋارلاردىڭ قاتارىنا كىرگەن. ال قازىر ولاردىڭ سانى قايتادان كۇرت كوبەيدى. بۇعان قازاقستان ۇكىمەتىنىڭ وسى جانۋاردىڭ ەل ءۇشىن دە، تابيعاتتى قورعاۋ ءىسى ءۇشىن دە قانشالىقتى ماڭىزدى ەكەنىن ءتۇسىنىپ، ونى ساقتاۋعا بار كۇشىن سالۋى سەبەپ بولدى، - دەدى ول.
ايتا كەتۋ كەرەك، قازاقستانداعى كيىك سانىنىڭ سوڭعى رەسمي كورسەتكىشى 2026 -جىلعى كوكتەمگى ساناقتا جاريالاندى. ورمان شارۋاشىلىعى جانە جانۋارلار دۇنيەسى كوميتەتىنىڭ Kazinform اگەنتتىگىنە بەرگەن جاۋابىنا سايكەس، ەلدەگى كيىك سانى 4 ميلليون 689 مىڭ باسقا جەتكەن.
قازاقستاندا كەرقۇلان مەن بالقاش بارىسىنىڭ پوپۋلياتسياسىن قالپىنا كەلتىرۋ جۇمىستارى دا باستالدى. بيىل 31 -شىلدەدە ءۇمىت ەسىمدى ۇرعاشى جولبارىس بالقاشتىڭ اۋماعىنداعى تابيعي ورتاعا جىبەرىلدى. بۇل - قازاقستاندا 70 جىلدان استام ۋاقىتتان كەيىن جولبارىستى تاريحي مەكەنىنە قايتارۋ باعدارلاماسىنىڭ العاشقى پراكتيكالىق قادامى.
جانۋارعا سپۋتنيكتىك قارعىباۋ تاعىلىپ، ونىڭ قوزعالىسى مەن جاڭا ورتاعا بەيىمدەلۋى تاۋلىك بويى باقىلانىپ وتىر.
