يلون ماسكتىڭ كومپانياسى الەمدەگى ەڭ ۇلكەن سۋپەركومپيۋتەردى جاسايدى

استانا. KAZINFORM - يلون ماسكتىڭ X. AI كومپانياسى مەمفيستە (تەننەسسي، ا ق ش) الەمدەگى ەڭ ۇلكەن سۋپەركومپيۋتەر قۇراستىرادى. بۇل تۋرالى WREG جاڭالىقتار ارناسىندا ۇلكەن مەمفيس ساۋدا پالاتاسىنىڭ باسشىسى تەد تاۋنسەند مالىمدەدى، دەپ حابارلايدى ت ا س س اقپارات اگەنتتىگى.

Илон Масктың компаниясы әлемдегі ең үлкен суперкомпьютерді жасайды
Фото: freepik.com / pngwing.com

«X. AI Gigafactory of Compute («ەسەپتەۋ قۋاتتىلىقتارىنىڭ گيگافابوريكاسى») الەمدەگى ەڭ ۇلكەن سۋپەركومپيۋتەر مەمفيستە ورنالاساتىنىن قۋانا حابارلايمىن. ادامداردى مارسقا جىبەرۋ ءۇشىن قاجەتتى ەسەپتەۋ رەسۋرستارىن ەلەستەتىپ كورىڭىز. ولار وسىندا مەمفيستە بولادى»، - دەدى ول.

ساۋدا پالاتاسى باسشىسىنىڭ ايتۋىنشا، جوبا ىسكە اسىرۋ ءۇشىن مەمفيس پەن شەلبي وكرۋگىنىڭ ەكونوميكالىق دامۋ ورگاندارىنان، تەننەسسي وزەنىنىڭ القابىنىڭ اكىمشىلىگىنەن جانە باسقا دا بىرنەشە اگەنتتىكتەردەن رۇقسات الۋ تالاپ ەتىلەدى.

سۋپەركومپيۋتەر جاساندى ينتەللەكت (ج ي) نەگىزىندەگى جۇيەلەردى جەدەلدەتۋگە ارنالعان Nvidia H100 گرافيكالىق پروتسەسسورلارىمەن جۇمىس ىستەيتىنى بەلگىلى. ول بۇرىن تۇرمىستىق تەحنيكا شىعاراتىن شۆەتسيالىق Electrolux Group كومپانياسىنا تيەسىلى زاۋىتتا ورنالاساتىنى شامالانىپ وتىر.

تاۋنسەند X. AI كومپانياسىمەن سۋپەركومپيۋتەر جاساۋ تۋرالى كەلىسسوزدەر وسى جىلدىڭ ناۋرىز ايىندا باستالعانىن ايتتى. بۇعان دەيىن ماسك ءوزىنىڭ ستارتاپى 2025 -جىلدىڭ كۇزىنە قاراي سۋپەركومپيۋتەر شىعارۋدى جوسپارلاپ وتىرعانىن مالىمدەگەن.

اۆتور

زارينا تۋعانبايەۆا

سوڭعى جاڭالىقتار