يلون ماسك ترامپ اكىمشىلىگىندەگى جۇمىس ۋاقىتىن قىسقارتپاق
استانا. KAZINFORM - يلون ماسك سەيسەنبىدە مامىر ايىنان باستاپ ترامپ اكىمشىلىگىنىڭ ۇكىمەت تيىمدىلىگى دەپارتامەنتىندە (DOGE) جۇمىس ىستەيتىن ۋاقىتىن كۇرت قىسقارتاتىنىن جانە نەگىزىنەن ءوز كومپانيالارىن باسقارۋعا قايتا ورالاتىنىن مالىمدەدى دەپ حابارلايدى Reuters.
ماسكتىڭ ەڭ ءىرى كومپانياسى Tesla سەيسەنبىدە ءبىرىنشى توقساننىڭ قورىتىندىلارىن حابارلادى، وندا ونىڭ تازا كىرىسى ءبىر جىلدا %71- عا تومەندەگەنى كورسەتىلدى.
- جۇمىستىڭ كوپ بولىگى - DOGE كومانداسىن قۇرۋ جانە ءۇيىمىزدى قارجىلىق تارتىپكە كەلتىرۋ ءۇشىن ۇكىمەتپەن كوپ جۇمىس اتقارىلدى، - دەپ كەلتىردى Reuters ماسكتىڭ ساراپشىلارمەن تەلەفون كونفەرەنسياسىندا كەزىندە سويلەگەن ءسوزىن.
سونىمەن قاتار، ماسك DOGE- دان تولىعىمەن كەتۋدى جوسپارلاپ وتىرماعانىن، وعان ۋاقىتىنىڭ %40 ارناۋدى جوسپارلاپ وتىرعانىن ايتتى.
- ماسكتىڭ فەدەرالدى قىزمەتكەرلەر شتاتىن قىسقارتۋ باعىتىنداعى جۇمىستارعا جەتەكشىلىك ەتەتىن ۇكىمەت تيىمدىلىگى دەپارتامەنتىندەگى جۇمىسى قاۋىپ-قاتەرگە تولى بولدى، - دەپ كەلتىرەدى ونىڭ ءسوزىن Reuters.
ويتكەنى ول Tesla-عا قارسى نارازىلىقتار مەن ۆانداليزم ارەكەتتەرىنىڭ جاندانۋىنا تۇرتكى بولىپ وتىردى.
Tesla كومپانياسىنىڭ 2025 -جىلعى 1- توقسانداعى ەسەبىنە سايكەس، كومپانيانىڭ وسى ءۇش ايداعى تازا تابىسى 2024 -جىلدىڭ ءبىرىنشى توقسانىنان %71- عا تومەندەپ، 409 ميلليون دوللاردى قۇرادى. تابىس - 19,3 ميلليارد دوللار بولىپ، وتكەن جىلدىڭ باسىمەن سالىستىرعاندا %20- عا تومەندەدى.
2025 -جىلدىڭ قاڭتار- ناۋرىز ايلارىندا Tesla شامامەن 337 مىڭ ەلەكتر كولىگىن ساتتى، بۇل ەكى جىلدان استام ۋاقىت ىشىندەگى ەڭ ناشار توقساندىق كورسەتكىش.
11- ناۋرىز كۇنى Tesla اكسيالارى %15 تومەندەگەنى تۋرالى جازدىق.
اۆتور
زارينا تۋعانبايەۆا
