يلون ماسك ەرەكشە عارىش كەمەسىنىڭ ءتورتىنشى ۇشىرىلىمىنىڭ ۋاقىتىن جاريالادى

استانا. قازاقپارات - SpaceX ءۇش-بەس اپتا ىشىندە Starship عارىش كەمەسىنىڭ پروتوتيپى بار زىمىران تاسىعىشتىڭ ءتورتىنشى سىناق ۇشىرىلىمىن وتكىزۋدى جوسپارلاپ وتىر. بۇل تۋرالى SpaceX باسشىسى يلون ماسك مالىمدەدى، دەپ حابارلايدى ت ا س س اقپارات اگەنتتىگى.

ول كەمەنىڭ سۋرەتىن X پاراقشاسىندا (بۇرىنعى Twitter) جاريالاپ، ونىڭ ۇشۋىنا دايىندىق ءجۇرىپ جاتقانىن جازدى. پايدالانۋشىلاردىڭ ءبىرى ءتورتىنشى رەيس قاشان بولاتىنىن جانە ماسك جاڭا ۇشىرۋ ناتيجەسىندە قانداي ماقساتتارعا جەتۋدى جوسپارلاپ وتىرعانىن سۇرادى.

«3-5 اپتادان كەيىن شىعار. ماقسات - كەمەنىڭ ماكسيمالدى قىزدىرۋ ايماعىنان (كورپۋستى) ءوتۋى نەمەسە كەم دەگەندە وتكەن جولعىدان ۇزاعىراق ۇشۋى»، - دەپ جاۋاپ بەردى كاسىپكەر.

ءۇشىنشى سىناق ۇشىرىلىم 2024 -جىلدىڭ ناۋرىز ايىندا ءوتتى. ول كەزدە SpaceX Starship- ءتىڭ 77 ك م بيىكتىكتە اپپاراتتىڭ اتموسفەراعا ەنۋى كەزىندە ۇشىرىلىمنىڭ 49- مينۋتىندا جوعالعانى تۋرالى حابارلادى. SpaceX- ءتىڭ Starship پروتوتيپىن جەر ماڭايىنداعى وربيتاعا شىعارۋدىڭ الدىڭعى ەكى ارەكەتى دە ءساتسىز اياقتالدى.

ازىرلەۋشى كومپانيانىڭ جوسپارلارىنا سايكەس، Starship عارىش جۇيەسى امبەباپ بولادى جانە باسقا نۇسقالاردا تومەن جەر وربيتاسىنا ۇشۋلار، سپۋتنيكتەردى ۇشىرۋ جانە ايعا، مارسقا، سونداي- اق ودان الىس اسپان دەنەلەرىنە ميسسيالاردى ورىنداۋ ءۇشىن پايدالانىلۋى مۇمكىن.

قايتا پايدالانۋعا بولاتىن Super Heavy كۇشەيتكىشى مەن Starship جەرگە تىك قونادى دەپ بولجانىپ وتىر.

اۆتور

زارينا تۋعانبايەۆا