ىلە الاتاۋىندا گيمالاي ۇلارى فوتوتۇزاققا ءتۇسىپ قالدى

تەڭىز دەڭگەيىنەن 2500- 3300 مەتر بيىكتىكتە مەكەندەيتىن گيمالاي ۇلارى (Tetraogallus himalayensis) بىرنەشە جەتىلگەن بالاپانىمەن بىرگە فوتوتۇزاققا ءتۇسىپ قالدى.

بۇل دەرەك ءتۇردىڭ تابيعي ورتادا تۇراقتى كوبەيىپ، ونىڭ مەكەندەۋىنە قولايلى جاعداي ساقتالعانىن كورسەتەدى. ۇلتتىق پارك اۋماعىندا قۇستاردى قورعاۋ جانە مونيتورينگ جۇمىستارى جۇيەلى تۇردە جالعاسىپ جاتىر.

گيمالاي ۇلار - ىلە الاتاۋىنىڭ بىرەگەي تابيعي بايلىعى.

ەلىمىزدە ۇلاردىڭ ەكى ءتۇرى كەزدەسەدى. التاي جانە گيمالاي ۇلارى.

گيمالاي ۇلارى 10-15-تەن توپتالىپ، ءومىر سۇرەدى. سالماعى 2,7-3,4 ك گ. قورازدارى مەكيەندەرىنەن ىرىلەۋ بولادى.

ءسىبىر تاۋەشكىلەرىمەن بىرگە تىرىشىلىك ەتەدى. وتە ساق قۇس، قانداي دا ءبىر قاۋىپتى سەزسە، ىسقىرىپ بەلگى بەرەدى. وسى ىسقىرىق ارقىلى ءوزىن جانە تاۋەشكىلەردى قاۋىپتەن قورعايدى. گيمالاي ۇلارى بيىك شىڭ-قۇزدارداعى دارىلىك وسىمدىكتەردىڭ تامىرىمەن، تۇقىمىمەن، جەمىسىمەن قورەكتەنەدى.