ىشتەگى ءسابيدىڭ پسيحيكاسى نەگە بايلانىستى قالىپتاسادى

استانا. قازاقپارات - ءسابيدىڭ مىنەز-قۇلقى اناسىنىڭ جۇكتىلىك كەزىندە قانداي تاعام جەگەنىنە بايلانىستى. اۆستراليانىڭ ديكين ۋنيۆەرسيتەتىنىڭ ماماندارى قۇرساقتاعى نارەستە ءۇشىن اسا پايدالى ازىق-تۇلىكتىڭ ءتىزىمىن جاريا ەتتى.

Мeddaily.ru-دىڭ حابارلاۋىنشا، زەرتتەۋشىلەر 23 مىڭ ايەلدىڭ دەنساۋلىعى مەن جۇكتىلىك كەزىندەگى راسيونىنا جانە ولاردىڭ بالالارىنىڭ جۇيكە جۇيەسى كورسەتكىشتەرىنە تالداۋ جاساعان.

زەرتتەۋدىڭ ناتيجەسىندە اياعى اۋىر كەزىندە دارۋمەنگە باي ءنارلى اس ورنىنا، زياندى تاعامداردى قولدانعان ايەلدەردەن پسيحيكالىق كىناراتى بار بالالاردىڭ تۋىلعانى انىقتالدى. مۇنداي بالالار، نەگىزىنەن، اشۋشاڭ، مازاسىز كەلەدى.

عالىمداردىڭ ايتۋىنشا، ىشتەگى ءسابيىنىڭ پسيحيكاسىن ويلاعان انا مىناداي تاعامداردى عانا جەۋى كەرەك: ءسابىز، بالدىركوك، قيار، مايسىز يوگۋرت، ورىك، قارا ورىك، ءىنجىر، ءسۇت، ءسۇتتى بوتقا، قانتى از شىرىندار، پىسكەن بۇرشاق، كارتوپ، ىرىمشىك، البىرت بالىعى، بالىق ەزبەسى.