ياسساۋي قابىرجاپقىشىنىڭ ەسكيزى ازىرلەنەدى

استانا. KAZINFORM - ياسساۋي قابىرجاپقىشىنىڭ ءتۇپنۇسقاسىن قالپىنا كەلتىرۋ مۇمكىن ەمەس. بۇل تۋرالى مادەنيەت جانە اقپارات مينيسترلىگىنەن ءمالىم ەتتى.

Восстановить оригинальный покров на могиле Ходжи Ахмеда Яссауи невозможно - МКИ
Фото: Максат Шагырбай / Kazinform

«بولجاممەن 1450-1550 -جىلدارى جاسالعان قابىرجاپقىش بۇگىندە تۇركىستان قالاسىنداعى «ازىرەت سۇلتان» ۇلتتىق تاريحي- مادەني مۋزەي- قورىعىنىڭ قورىندا ساقتالۋدا. قابىرجاپقىشتىڭ ءتۇپنۇسقاسى ونىڭ ساقتالۋ دەڭگەيىن ەسكەرە وتىرىپ، قالپىنا كەلتىرۋگە جاتپايدى. سەبەبى، ول قاتاڭ ەرەكشە تەمپەراتۋرالىق، ىلعالدىق ءتيىستى رەجيمدى جاعدايدا، كۇن كوزىنەن جانە تاعى باسقا زيان كەلتىرەتىن فاكتورلاردان تىس ورتادا كونسەرۆاتسيالانعان كۇيدە ساقتاۋدى قاجەت ەتەدى»، - دەلىنگەن مينيسترلىكتىڭ اگەنتتىك ساۋالىنا بەرگەن جاۋابىندا.

ۆەدومستۆونىڭ اتاپ وتۋىنشە، مۇنداي شەشىم وتاندىق، شەتەلدىك عالىمداردىڭ (ە. گيۋل - وزبەكستان، ر. گاسان - تۇركيا، ن. كرۋپا - ۋكراينا) ۇسىنىستارى مەن ۇستانىمدارى نەگىزىندە قابىلدانعان.

«ونى قالپىنا كەلتىرۋ ءۇشىن جۇرگىزىلەتىن جۇمىستار قابىرجاپقىشقا ورنى تولماس زيان تيگىزۋى ىقتيمال. الداعى ۋاقىتتا عالىمدار مەن مامانداردىڭ كۇشىمەن قابىرجاپقىشتىڭ ەسكيزى ازىرلەنىپ، ول ەسكيز كەلەشەكتە جاڭا قابىرجاپقىش ازىرلەۋ مۇمكىندىگى تۋىنداپ جاتقان جاعدايدا قولدانىلاتىن بولادى»، - دەدى مينيسترلىكتەن.

مەملەكەت باسشىسى قاسىم-جومارت توقايەۆ ۇلتتىق قۇرىلتايدىڭ ءۇشىنشى وتىرىسىندا قاسيەتتى تۇركىستانداعى ياساۋي قابىرىندە كوپتەن بەرى ارنايى جاپقىش جوق ەكەندىگىن ايتقان بولاتىن.

«تالاي زاماننان كەلە جاتقان كونە جاپقىشتى قالپىنا كەلتىرۋ جۇمىسى ءبىراز جىل بۇرىن باستالىپ، اياقسىز قالعان. مەن قۇزىرلى مەملەكەتتىك ورگانعا وسى قۇندى مۇرانى تەزىرەك ساپالى جوندەۋدەن وتكىزىپ، تاريحي ورنىنا قايتارۋدى تاپسىرامىن»، - دەگەن ەدى پرەزيدەنت.

اۆتور

مارلان جيەمباي

سوڭعى جاڭالىقتار