ۇيالى بايلانىس وپەراتورلارى اراسىندا باسەكەلەستىك بايقالمايدى - ولجاس بەكتەنوۆ

استانا. KAZINFORM - ۇيالى بايلانىس وپەراتورلارى ادەتكە اينالدىرعان تاريفتەر قۇنىن ۇلعايتۋ ماسەلەسى جەكە نازاردى تالاپ ەتەدى. بۇل تۋرالى پرەمەر-مينيستر ولجاس بەكتەنوۆ ايتتى.

Олжас Бектенов
Фото: ҚР Ҳукумати

«ءبىز ساپالى ينتەرنەتتىڭ بارلىق جەردە كەڭىنەن تارالعانى تۋرالى ازىرگە اۋىز تولتىرىپ ايتا المايمىز. جۇرتشىلىق بۇل ماسەلەگە ۇنەمى شاعىمدانىپ كەلەدى. تەك وتكەن جىلدىڭ وزىندە بايلانىس ساپاسىنا شامامەن 21 مىڭ شاعىم كەلىپ ءتۇستى. بيىلعى 5 ايدا مۇنداي شاعىمدار سانى 11 مىڭعا جۋىقتادى. ماسەلە تەك شالعاي ەلدى مەكەندەردە ينتەرنەتتىڭ ناشار بولۋىندا عانا ەمەس. قالالاردا دا موبيلدى بايلانىس پەن ينتەرنەت سيگنالىنىڭ كوڭىلدەن شىقپاۋى بايقالادى»، - دەدى پرەمەر-مينيستر.

سونداي-اق ۇكىمەت باسشىسى شەكارا وتكىزۋ پۋنكتتەرىندە دە بايلانىس پەن ينتەرنەت ساپاسى تۇراقسىز ەكەنىن ايتتى. بۇل كولىكتەر مەن ادامدار اعىنىنىڭ شەكارادان وتۋىنە كەدەرگى كەلتىرەدى. وسى ماسەلە جەدەل شەشىلۋى كەرەك. جالپى مينيسترلىك وپەراتورلارمەن جانە اكىمدىكتەرمەن بىرلەسىپ قولدانىستاعى ينفراقۇرىلىمدى جاڭارتۋ قاجەت.

«وپەراتورلاردىڭ ادەتكە اينالدىرعان تاريفتەر قۇنىن ۇلعايتۋ ماسەلەسى جەكە نازاردى تالاپ ەتەدى. باسەكەلەستىكتى دامىتۋ ماقساتىندا بايلانىس قىزمەتتەرىنىڭ تاريفتەرىن مەملەكەتتىك رەتتەۋ الىپ تاستالعانى بەلگىلى. باسەكەلەستىك قانا باس رەتتەۋشى بولۋعا ءتيىس. الايدا، ازىرگە بۇل بايقالماي وتىر. وپەراتورلاردىڭ بارلىعىندا باعالار شامامەن بىردەي. بۇدان باسقا، سالىق كودەكسىنىڭ اياسىندا وپەراتورلار ءۇشىن راديوجيىلىكتى سپەكترگە 90 پايىز مولشەرىندە جەڭىلدىك كوزدەلگەن. وسى رەتتە وپەراتورلار ليتسەنزيالىق مىندەتتەمەلەرگە سايكەس ۇنەمدەلگەن قاراجاتتى بايلانىس ينفراقۇرىلىمىن دامىتۋعا ينۆەستيتسيالاۋ ءتيىس. سوندىقتان مينيسترلىك مونوپولياعا قارسى ورگانمەن بىرلەسىپ، وپەراتورلاردىڭ مىندەتتەمەلەرىن تولىققاندى ورىنداۋىن جانە باعالىق ءسوزبايلاسۋ مەن تاريفتەردىڭ نەگىزسىز ارتۋىنا جول بەرمەۋدى قامتاماسىز ەتۋى قاجەت»، - دەدى ولجاس بەكتەنوۆ.

اۆتور

مارلان جيەمباي

سوڭعى جاڭالىقتار