چيڭ پاتشالىعى قازاقتاردى قاشان بىلگەن؟
استانا. قازاقپارات - دەرەكتىك تۇرعىدان چيڭ پاتشالىعى قازاقتاردى قاي جىلدارى تانىپ بىلگەن دەگەن سۇراق توڭىرەگىندە ءسوز بولعاندا تاريحشى ونۋما تاكاحيرونىڭ وسى ماسەلە تۋرالى جاساعان سيپاتتامسىن نازارعا الماي بولمايدى.
عالىمنىڭ ايتۋىنشا، چيڭ پاتشالىعى قازاقتاردى جوڭعارلارمەن قارىم-قاتىناس جاساۋ بارىسىندا ەستىپ بىلگەن. مىسالى، 1698 -جىلى چيڭ ورداسى جوڭعارلار مەن قازاقتاردىڭ سوعىسقانى تۋرالى اقپارات العان.
1731 -جىلى تيان-شاننىڭ شىعىسىندا جوڭعارلارمەن بولعان تەكە-تىرەس كەزىندە، چيڭ پاتشالىعى قازاقتار مەن قاشقارلىقتارعا ەلشى جىبەرىپ، جوڭعارلارعا قارسى وداق قۇرۋعا ارەكەت جاساعان.
عالىمنىڭ پايىمداۋىنشا، بۇل وداقتىڭ ءىس جۇزىندە جۇزەگە اسىرىلعانى تۋرالى ناقتى دەرەك جوق.
الايدا حالىقارالىق ساياسي ارەنادا قازاقتاردىڭ ۇپايى ارتىپ، چيڭ پاتشالىعى ءۇشىن دە ماڭىزدى ورىنعا شىعا باستاعانىنىڭ دالەلى بولماق.
دۇيسەنالى ءابدىلاشىم ۇلى
