وزبەكستاننان گۋمانيتارلىق كومەك تيەلگەن 15 جۇك كولىگى كەلدى
تۇركىستان. KAZINFORM- سۋ تاسقىنىنان زارداپ شەككەن ايماقتارعا ءتيىستى كومەك كورسەتىلىپ جاتىر. سونداي-اق، وزگە وڭىرلەرمەن قاتار كورشىلەس مەملەكەتتەر دە قيىن-قىستاۋ كەزەڭدە جاردەمدەسۋدە.
ءمالىم بولعانداي، كولىكتەرگە ازىق-تۇلىك، بالالار مەن ەرەسەكتەرگە ارنالعان كيىم، كورپە، جاستىق، گيگيەنالىق قۇرالدار، ارنايى جابدىقتالعان شاتىرلار، رەزەڭكە قايىقتار مەن باسقا دا قاجەتتى تاۋارلار تيەلگەن.
بۇگىن وزبەكستان رەسپۋبليكاسىنان قازاقستانعا 15 جۇك كولىگىنە تيەلگەن گۋمانيتارلىق كومەك كەلدى. وزبەكستان پرەزيدەنتى شاۆكات ميرزيەۆتىڭ تاپسىرماسى بويىنشا گۋمانيتارلىق كومەك جىبەرىلدى. ونى ارنايى سۇيەمەلدەۋ قىزمەتى كەلەس اۋدانى اۋماعىنداعى ب. قونىسبايەۆ كەدەن بەكەتىنەن كۇتىپ الدى. جۇكتى وزبەكستان پرەزيدەنتىنىڭ كەڭەسشىسى تۇرسىنحان قۇدايبەرگەنوۆ باستاعان جۇمىس توبى جەتكىزىپ بەرەدى. تۇركىستان وبلىسى اكىمىنىڭ ءبىرىنشى ورىنباسارى زۇلپىحار جولداسوۆ پەن كەلەس اۋدانىنىڭ اكىمى جانىبەك اعىبايەۆ كورشىلەس ەلدىڭ بۇل كومەگىنە ريزاشىلىعىن ءبىلدىرىپ، العىسىن ايتتى.
بۇل گۋمانيتارلىق كومەك كەرۋەنىن تۇركىستان وبلىسىنىڭ توتەنشە جاعداي دەپارتامەنتى قىزمەتكەرلەرى قاراعاندى وبلىسىنىڭ سارىشاعان ەلدى مەكەنىنە، بالقاش قالاسىنا، قاراعاندى قالاسىنا دەيىن سۇيەمەلدەپ، جەتكىزىپ بەرەدى.
ايتا كەتەيىك، بۇعان دەيىن قىرعىزستاننان جىبەرىلگەن گۋمانيتارلىق كومەك كولىكتەرى سۋ تاسقىنىنان زارداپ اقتوبە قالاسىنا جەتكىزىلگەن بولاتىن.
اۆتور
قايرات زاينيشيەۆ
